సంగారెడ్డి జిల్లా కాంగ్రెస్ పార్టీ డీసీసీ అధ్యక్షుడిగా ఎన్నికైన పట్లోళ్ల చంద్రశేఖర్ రెడ్డిని మంగళవారం నారాయణఖేడ్ ఎమ్మెల్యే డాక్టర్ పట్లోళ్ల సంజీవరెడ్డి స్వగృహంలో నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా రాష్ట్ర వైస్ చైర్మన్ వై. పండరి, తెలుగు జర్నలిస్ట్ వెల్ఫేర్ అసోసియేషన్ (TJWA) జాతీయ సంయుక్త కార్యదర్శి తమ్మాలి సంగమేశ్వర్, నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా సంగారెడ్డి జిల్లా అధ్యక్షులు బైండ్ల కృష్ణ,జిల్లా ఎస్పీ సెల్ ఉపాధ్యక్షుడు పురంజన్ ,జిల్లా ప్రధాన కార్యదర్శి అఖిల్, జిల్లా ఎగ్జిక్యూటివ్ మెంబర్ ప్రభాకర్,తదితరులు మర్యాదపూర్వకంగా కలిసి ఘనంగా సన్మానించారు.ఈ సందర్భంగా పట్లోళ్ల చంద్రశేఖర్ రెడ్డికి శాలువా కప్పి సత్కరించడంతో పాటు మెమెంటో అందజేసి శుభాకాంక్షలు తెలిపారు. డీసీసీ అధ్యక్షుడిగా కొత్త బాధ్యతలు చేపట్టనున్న ఆయన జిల్లా కాంగ్రెస్ పార్టీని మరింత బలోపేతం చేయడంతో పాటు నాయకులు, కార్యకర్తలను సమన్వయం చేసుకుంటూ ప్రజలకు అందుబాటులో ఉండి వారి సమస్యల పరిష్కారానికి కృషి చేయాలని ఆకాంక్షించారు. ఈ సందర్భంగా చంద్రశేఖర్ రెడ్డికి శుభాకాంక్షలు తెలియజేస్తూ ఆయన భవిష్యత్తులో మరిన్ని విజయాలు సాధించాలని వారు ఆకాంక్షించారు.