సంగారెడ్డి జిల్లా కాంగ్రెస్ పార్టీ అధ్యక్షుడిగా నియమితులైన పట్లోళ్ల చంద్రశేఖర్ రెడ్డిని మంగళవారం మనూరు మండల సర్పంచుల ఫోరం అధ్యక్షుడు, దోసపల్లి సర్పంచ్ బిరధర్ దత్తు మర్యాదపూర్వకంగా కలిసి శాలువా, పూలమాలతో ఘనంగా సన్మానించి శుభాకాంక్షలు తెలిపారు. చంద్రశేఖర్ రెడ్డి నూతనంగా జిల్లా కాంగ్రెస్ పార్టీ అధ్యక్షుడిగా బాధ్యతలు చేపట్టిన సందర్భంగా మనూరు మండలంలోని వివిధ గ్రామాల ప్రజాప్రతినిధులు ఆయనను కలిసి అభినందనలు తెలియజేశారు. ఈ సందర్భంగా చంద్రశేఖర్ రెడ్డికి శుభాకాంక్షలు తెలిపి, ప్రజలకు మరింత సేవ చేసే అవకాశం లభించిందని పేర్కొన్నారు. కార్యక్రమంలో డాక్టర్ అమృత్‌తో పాటు వివిధ గ్రామాల ప్రజాప్రతినిధులు పాల్గొన్నారు.