ప్రస్తుత పోటీ ప్రపంచంలో విద్యార్థులు ఏకాగ్రత, గ్రహణ సామర్థ్యాలను పెంపొందించుకుని గణిత సమస్యలను వేగంగా పరిష్కరించగలిగితేనే పోటీ పరీక్షల్లో మెరుగైన ఫలితాలు సాధించగలరని విద్యావేత్తలు చెబుతున్నారు. ఈ నేపథ్యంలో చిన్నంపేట సిద్ధార్థ ఇంగ్లీష్ మీడియం హై స్కూల్ మేనేజ్మెంట్ ఆధ్వర్యంలో, హైదరాబాద్‌కు చెందిన మెమరీ మ్యాథ్స్ అకాడమీ సహకారంతో అబాకస్ మరియు వేదగణిత (వేదిక మ్యాథ్స్) శిక్షణ కార్యక్రమాలు నిర్వహిస్తున్నారు.

ప్రాథమిక స్థాయి నుంచే విద్యార్థులకు ఈ శిక్షణ అందించడం ద్వారా గ్రామీణ ప్రాంత విద్యార్థుల్లో దాగి ఉన్న ప్రతిభను వెలికి తీయడంలో ఈ కార్యక్రమాలు కీలక పాత్ర పోషిస్తున్నాయి. ఈ క్రమంలో విద్యార్థుల సామర్థ్యాన్ని అంచనా వేసేందుకు సిద్ధార్థ పాఠశాలలో మెగా టాలెంటెడ్ టెస్ట్ నిర్వహించారు.

అబాకస్ మరియు వేదిక మ్యాథ్స్‌లో నిర్వహించిన ఈ పోటీ పరీక్షల్లో ఉత్తీర్ణత సాధించిన విద్యార్థులకు బహుమతులు ప్రదానం చేశారు. జిల్లా స్థాయి పోటీలకు విద్యార్థులను సిద్ధం చేయడానికి ఈ పరీక్షలు ఉపయోగపడతాయని నిర్వాహకులు తెలిపారు.

ఈ కార్యక్రమాన్ని విజయవంతం చేయడంలో కృషి చేసిన సిద్ధార్థ పాఠశాల యాజమాన్యం, ఉపాధ్యాయులు, అలాగే మెమరీ మ్యాథ్స్ అకాడమీ కరస్పాండెంట్ కృష్ణమోహన్‌కు నిర్వాహకులు కృతజ్ఞతలు తెలిపారు.