మున్సిపాలిటీ కార్యాలయంలో ఘనంగా నిర్వహణ

పారిశుద్ధ్య కార్మికులకు దుస్తుల పంపిణీ

మునుగోడు శాసనసభ్యులు కోమటిరెడ్డి రాజగోపాల్ రెడ్డి జన్మదిన వేడుకలు చౌటుప్పల్ మున్సిపాలిటీ కార్యాలయంలో ఘనంగా జరిగాయి. ఈ సందర్భంగా మున్సిపాలిటీ కార్యాలయానికి చేరుకున్న రాజగోపాల్ రెడ్డి, లక్ష్మి దంపతులకు మున్సిపల్ చైర్మన్ మొగుదాల పావని రమేష్ గౌడ్ దంపతులు ఘనస్వాగతం పలికారు.​అనంతరం ఏర్పాటు చేసిన ప్రత్యేక వేడుకల్లో రాజగోపాల్ రెడ్డి కేక్ కట్ చేశారు. ఈ సందర్భంగా చైర్మన్ దంపతులు, కౌన్సిలర్లు, నాయకులు ఆయనకు జన్మదిన శుభాకాంక్షలు తెలియజేశారు.పుట్టినరోజు వేడుకలను పురస్కరించుకుని చౌటుప్పల్ చైర్ పర్సన్ మొగుదాల పావని రమేష్ గౌడ్ ఆధ్వర్యంలో మున్సిపాలిటీలో పనిచేసే పారిశుద్ధ్య కార్మికులకు కోమటిరెడ్డి రాజగోపాల్ రెడ్డి దంపతులు దుస్తులను పంపిణీ చేశారు. నిరంతరం పట్టణ పరిశుభ్రత కోసం శ్రమించే కార్మికుల సేవలను ఈ సందర్భంగా ఎమ్మెల్యే అభినందించారు. ఈ కార్యక్రమంలో మున్సిపల్ అధికారులు, ప్రజాప్రతినిధులు, కాంగ్రెస్ పార్టీ ముఖ్య నాయకులు, కార్యకర్తలు పెద్ద సంఖ్యలో పాల్గొన్నారు.