అమరవీరుడు, స్వాతంత్ర్య సమరయోధుడు షాహిద్ భగత్ సింగ్ జయంతి సందర్భంగా చౌటుప్పల్‌లో జనసేన పార్టీ ఆధ్వర్యంలో ఘనంగా నివాళులు అర్పించారు. పార్టీ నాయకులు, జనసైనికులు ఆయన చిత్రపటానికి పూలమాలలు వేసి, భగత్ సింగ్ అమరత్వాన్ని స్మరించుకుంటూ పెద్దఎత్తున నినాదాలు చేశారు.​ఈ సందర్భంగా జనసేన పార్టీ ఉమ్మడి నల్గొండ జిల్లా నాయకుడు ఆముదాల పరమేశ్ మాట్లాడుతూ.. భగత్ సింగ్ దేశ స్వాతంత్ర్యం కోసం చిన్న వయసులోనే ప్రాణాలను త్యాగం చేసిన మహోన్నత విప్లవ యోధుడని కొనియాడారు. ఆయన ధైర్యం, త్యాగం, దేశభక్తి నేటి తరానికి స్ఫూర్తిదాయకమని పేర్కొన్నారు. యువత ఆయన ఆలోచనలు, నిస్వార్థ సేవా భావాన్ని ఆదర్శంగా తీసుకుని సమాజ శ్రేయస్సు కోసం బాధ్యతతో ముందుకు రావాలని పిలుపునిచ్చారు. భగత్ సింగ్ స్ఫూర్తితో ప్రతి జనసైనికుడు ప్రజాసేవలో నిబద్ధతతో పనిచేస్తూ, సమాజ మార్పునకు కృషి చేస్తారని తెలిపారు.​ఈ కార్యక్రమంలో జనసేన నాయకులు పీక ప్రవీణ్, పెద్దగోని లింగస్వామి, కాసోజు గోపి, సంజయ్, పాశం శ్రీకాంత్, రమణ బాబు, గొడుగు గణేశ్, దొడ్డి వంశీ, నజీర్ పాషా, రామకృష్ణ తదితర జనసైనికులు పాల్గొన్నారు.