చౌటుప్పల్ స్థానికం ప్రతినిధి:

ప్రభుత్వం ప్రవేశపెడుతున్న రెండో విడత 'ఇందిరమ్మ ఇండ్ల' కేటాయింపులో ఎలాంటి పక్షపాతం లేకుండా నిజమైన అర్హులకే ప్రాధాన్యం ఇవ్వాలని సమాచార హక్కు రక్షణ చట్టం - 2005 యాదాద్రి భువనగిరి జిల్లా అధ్యక్షుడు దబ్బటి శేఖర్ డిమాండ్ చేశారు. ఈ మేరకు శనివారం ఆయన ఒక పత్రికా ప్రకటన విడుదల చేశారు.​సమగ్ర విచారణ జరిపించాలి​రెండో విడత ఇందిరమ్మ ఇండ్ల పంపిణీ ప్రక్రియను పారదర్శకంగా చేపట్టాలని ఆయన కోరారు. గ్రామాలు, పట్టణాల్లోని ప్రతి ప్రాంతంలో అధికారులు, స్థానిక ప్రజాప్రతినిధులు క్షేత్రస్థాయిలో పూర్తిస్థాయిలో సమగ్ర విచారణ జరిపించాలని సూచించారు.​పేదల కల నెరవేరాలి ​రాజకీయ ఒత్తిళ్లకు తావులేకుండా, ఆర్థికంగా వెనుకబడిన కుటుంబాలకు, నివాసం లేని నిజమైన నిరుపేదలకే ఈ ఇండ్లను కేటాయించాలని అధికారులకు, రాజకీయ నాయకులకు ఆయన విజ్ఞప్తి చేశారు. అర్హులైన ప్రతి పేద కుటుంబానికి ఇల్లు దక్కేలా చర్యలు తీసుకోవాలని స్పష్టం చేశారు.