నెలకు సరిపడా నిత్యావసరాల పంపిణీ.. చదువుకు సాయం అందిస్తామని హామీ

ఇంటి పెద్దను కోల్పోయి తీవ్ర ఆర్థిక ఇబ్బందుల్లో ఉన్న ఒక కుటుంబానికి 'జవాన్ సేవా ఫౌండేషన్ & ట్రస్ట్' మానవత్వంతో అండగా నిలిచింది. సామాజిక బాధ్యతగా సదరు బాధిత కుటుంబానికి నెలకు సరిపడా నిత్యావసర సరుకులను (రైస్ బ్యాగ్, గోధుమ పిండి, నూనె, పంచదార, శనగపిండి తదితరాలు) సంస్థ ప్రతినిధులు అందజేశారు.

ఈ సందర్భంగా ఫౌండేషన్ ప్రతినిధులు మాట్లాడుతూ.. "ఇంటి యజమానిని కోల్పోయిన ఆ కుటుంబానికి మేము ఎల్లప్పుడూ మాకు తోచిన సహాయాన్ని అందిస్తూ అండగా ఉంటాం" అని భరోసా ఇచ్చారు. అంతేకాకుండా, ఆ కుటుంబంలోని పిల్లల భవిష్యత్తును దృష్టిలో ఉంచుకుని, వారి చదువుల నిమిత్తం కూడా తమ వంతు ఆర్థిక సహాయాన్ని అందిస్తామని ఈ సందర్భంగా నిర్వాహకులు మాట ఇచ్చారు.

దాతలకు కృతజ్ఞతలు:

ఈ సేవా కార్యక్రమానికి ప్రత్యేక విరాళం అందించి అండగా నిలిచిన దాత 'వినయ్' గారి చల్లని మనస్సుకు సంస్థ ప్రతినిధి శివ జవాన్ ప్రత్యేక ధన్యవాదాలు తెలియజేశారు. సమాజంలో ఇలాంటి సేవా దృక్పథం కలిగిన దాతల సహకారంతోనే ఎన్నో కుటుంబాలకు అండగా నిలబడగలుగుతున్నామని ఆయన పేర్కొన్నారు.