యాదగిరిగుట్ట,

ఆల్ ఇండియా క్రిస్టియన్ ఫెడరేషన్ యాదాద్రి భువనగిరి జిల్లా కో-ఆర్డినేటర్‌గా యాదగిరిగుట్టకు చెందిన రెవరెండ్ జహంగీర్ జాన్ నియమితులైనట్లు సంస్థ జాతీయ అధ్యక్షుడు గద్దపాటి విజయ్ రాజు ఆదివారం ఒక ప్రకటనలో తెలిపారు.

ఈ సందర్భంగా విజయ్ రాజు మాట్లాడుతూ, జిల్లాలో క్రైస్తవుల హక్కుల పరిరక్షణ కోసం నిరంతరం పనిచేయాలని జహంగీర్ జాన్‌ను కోరుతూ నియామక పత్రాన్ని అందజేశారు.

జహంగీర్ జాన్ మాట్లాడుతూ, గత 30 సంవత్సరాలుగా క్రైస్తవుల హక్కులు, సంక్షేమం కోసం చేస్తున్న సేవలను గుర్తించి ఈ బాధ్యత అప్పగించినందుకు కృతజ్ఞతలు తెలిపారు. తనకు అప్పగించిన బాధ్యతలను సమర్థవంతంగా నిర్వహిస్తానని అన్నారు.

దళిత క్రైస్తవులకు ఎస్సీ హోదా కల్పించాలనే ప్రధాన డిమాండ్‌తో భవిష్యత్తులో ఉద్యమాన్ని మరింత బలోపేతం చేస్తామని పేర్కొన్నారు.

జిల్లా కో-ఆర్డినేటర్‌గా తన నియామకానికి సహకరించిన ఆల్ ఇండియా క్రిస్టియన్ ఫెడరేషన్ జాతీయ అధ్యక్షుడు గద్దపాటి విజయ్ రాజు, సంస్థ నాయకులకు జహంగీర్ జాన్ ప్రత్యేక కృతజ్ఞతలు తెలిపారు.