పోలీస్ స్టేషన్ల వార్షిక తనిఖీల్లో భాగంగా గురువారం సూర్యాపేట జిల్లా ఎస్పీ నరసింహ ఐపిఎస్ కోదాడ రూరల్ పోలీస్ స్టేషన్‌ను తనిఖీ చేశారు.ఈ సందర్భంగా స్టేషన్‌కు విచ్చేసిన ఎస్పీ కి కోదాడ డిఎస్పీ శ్రీనివాస్ రెడ్డి, సీఐ రామకృష్ణా రెడ్డి, ఎస్ఐ గోపాల్ మరియు పోలీస్ సిబ్బంది గౌరవ వందనంతో స్వాగతం పలికారు. అనంతరం పోలీస్ సిబ్బంది నిర్వహించిన కవాతును ఎస్పీ పరిశీలించారు. సిబ్బంది యూనిఫాం, పోలీస్ సామాగ్రిని (కిట్లను) తనిఖీ చేశారు. పోలీస్ స్టేషన్ ఆవరణలో మొక్కలు నాటి, పరిసరాల పరిశుభ్రతను పరిశీలించారు. అనంతరం సిబ్బందితో సమావేశమై పలు కీలక సూచనలు చేశారు. సిబ్బంది అంతా కలిసికట్టుగా పని చేస్తూ.. స్థానిక సమస్యలు, కార్యకలాపాలపై వేగంగా సమాచారం సేకరించి నేరాల నియంత్రణకు కృషి చేయాలని, ప్రజలకు ఎల్లప్పుడూ అందుబాటులో ఉండాలని సూచించారు. కేసుల దర్యాప్తులో వేగంగా నైపుణ్యంతో పని చేయాలి, మండల పరిధిలో నమోదవుతున్న కేసుల వివరాలు, దర్యాప్తు స్థితిగతులు, కోర్టు కేసుల రికార్డులను ఎస్పీ నిశితంగా పరిశీలించారు. కేసులు, ఫిర్యాదులను పెండింగ్‌లో పెట్టకుండా వేగంగా దర్యాప్తు పూర్తి చేయాలని, పోలీసు సేవల్లో వృత్తి నైపుణ్యం చూపాలని అన్నారు.