మాతృమూర్తి ప్రేమ, త్యాగం, మమతలకు గుర్తింపుగా ఐరా గ్లోబల్ స్కూల్‌లో ఆదివారం మదర్స్ డే వేడుకలను ఘనంగా నిర్వహించారు. కార్యక్రమంలో మాతృమూర్తుల చేత కేక్ కట్ చేయించి వారికి శుభాకాంక్షలు తెలిపారు. విద్యార్థులు తల్లులపై ప్రేమాభిమానాలను వ్యక్తపరిచే కార్యక్రమాలు నిర్వహించి ఆకట్టుకున్నారు.ఈ సందర్భంగా పాఠశాల ఛైర్మన్ అరుణ మాట్లాడుతూ తల్లి ప్రేమకు సాటి ప్రపంచంలో మరేదీ లేదని అన్నారు. ప్రతిఫలం ఆశించకుండా పిల్లల అభివృద్ధి కోసం అహర్నిశలు కృషి చేసే దైవస్వరూపం అమ్మ అని కొనియాడారు. విపత్కర పరిస్థితుల్లో సైతం కుటుంబాన్ని కాపాడే గొప్ప శక్తి మాతృమూర్తిదేనని ఆన్నారు.

ఈ కార్యక్రమంలో పాఠశాల ఉపాధ్యాయులు, ఉపాధ్యాయినులు పాల్గొన్నారు.