Sthanikam - Truth Matters
Logo

ఐఎఫ్ఎఫ్ఐ-2026లో లదాఖ్, కాశ్మీర్ చిత్రాల ప్రత్యేక ఆకర్షణ.

Updated : 18 Nov 2026 18:44 IST
As Preferred Source 1 min read
ఐఎఫ్ఎఫ్ఐ-2026లో లదాఖ్, కాశ్మీర్ చిత్రాల ప్రత్యేక ఆకర్షణ.


హిమాలయ ప్రాంతపు సంస్కృతి, సంప్రదాయాలు, ప్రజల జీవన పోరాటాలకు వెండితెరపై చోటు.

గోవా, నవంబర్ 18: స్థానికం ప్రతినిధి:

గోవాలో జరుగుతున్న 57వ భారత అంతర్జాతీయ చలనచిత్రోత్సవం (ఐఎఫ్ఎఫ్ఐ-2026)లో లదాఖ్, కాశ్మీర్ ప్రాంతాలకు చెందిన చిత్రాలు ప్రత్యేక గుర్తింపు పొందాయి. హిమాలయ ప్రాంతపు ప్రకృతి అందాలు, స్థానిక సంస్కృతి, సంప్రదాయాలు, సామాన్య ప్రజల జీవన విధానాలను ప్రతిబింబించే నాలుగు చిత్రాలు ప్రేక్షకుల ముందుకు రానున్నాయి. వీటిలో రెండు ఫీచర్, రెండు నాన్‌ఫీచర్ చిత్రాలు ఉన్నాయి.

లీనా యాదవ్ దర్శకత్వంలో రూపొందిన 11 నిమిషాల లదాఖీ లఘుచిత్రం 'బికమింగ్' ఇండియన్ పనోరమా నాన్‌ఫీచర్ విభాగంలో ప్రారంభ చిత్రంగా ఎంపికైంది. ఏడేళ్ల బాలుడు అగ్యల్‌కు కలిగే వింత అనుభవాలు, లికిర్ బౌద్ధ మఠంతో ఏర్పడే అనుబంధం, పునర్జన్మకు సంబంధించిన అంశాలతో ఈ చిత్రం రూపొందింది.

సాహిల్ షా దర్శకత్వంలో తెరకెక్కిన 'బర్డ్స్ ఆన్ ఐస్' చిత్రం ఇండియన్ పనోరమా ఫీచర్ విభాగంలో ఎంపిక కావడంతో పాటు ఉత్తమ తొలి చిత్ర దర్శకుడు విభాగానికి కూడా ఎంపికైంది. ఐస్ హాకీ స్కేటర్ కావాలని కలలు కనే తాషి అనే లదాఖీ బాలిక జీవితమే ఈ చిత్ర ఇతివృత్తం. కుటుంబ పరిస్థితులు, ప్రకృతి సవాళ్లను అధిగమిస్తూ తన లక్ష్యాన్ని చేరుకునేందుకు ఆమె చేసే ప్రయత్నాలను ఇందులో చూపించారు.

కాశ్మీరీ చిత్రాల్లో రాజా షబీర్ మహమ్మద్ ఖాన్ దర్శకత్వం వహించిన 'స్లెడ్జ్' ప్రత్యేక ఆకర్షణగా నిలవనుంది. ఈ చిత్రం ఐఎఫ్ఎఫ్ఐలో ఆసియా ప్రీమియర్‌గా ప్రదర్శితం కానుంది. గుల్మార్గ్ సమీపంలోని మంచుతో కప్పబడిన గ్రామంలో నివసించే ముగ్గురు చిన్నారులు తమ కుటుంబ జీవనాధారమైన మంచుబండిని బాగు చేయించేందుకు చేసే ప్రయత్నాలు కథాంశంగా తెరకెక్కించారు. ఈ చిత్రం ఇండియన్ పనోరమా విభాగంలో ఎంపిక కావడంతో పాటు ఉత్తమ తొలి చిత్ర దర్శకుడు పురస్కారం కోసం పోటీపడుతోంది.

ఈ చిత్రాల ద్వారా హిమాలయ ప్రాంత ప్రజల జీవన పోరాటాలు, బాలల ఆశయాలు, ఆధ్యాత్మిక విశ్వాసాలు, స్థానిక సంప్రదాయాలు వెండితెరపై ఆవిష్కృతం కానున్నాయి. ప్రాంతీయ భాషా చిత్రాలకు జాతీయ, అంతర్జాతీయ స్థాయిలో గుర్తింపు తీసుకురావడంలో ఐఎఫ్ఎఫ్ఐ వేదిక కీలకంగా నిలుస్తోంది.

Sthanikam

ఐఎఫ్ఎఫ్ఐ-2026లో లదాఖ్, కాశ్మీర్ చిత్రాల ప్రత్యేక ఆకర్షణ.

Article Image


హిమాలయ ప్రాంతపు సంస్కృతి, సంప్రదాయాలు, ప్రజల జీవన పోరాటాలకు వెండితెరపై చోటు.

గోవా, నవంబర్ 18: స్థానికం ప్రతినిధి:

గోవాలో జరుగుతున్న 57వ భారత అంతర్జాతీయ చలనచిత్రోత్సవం (ఐఎఫ్ఎఫ్ఐ-2026)లో లదాఖ్, కాశ్మీర్ ప్రాంతాలకు చెందిన చిత్రాలు ప్రత్యేక గుర్తింపు పొందాయి. హిమాలయ ప్రాంతపు ప్రకృతి అందాలు, స్థానిక సంస్కృతి, సంప్రదాయాలు, సామాన్య ప్రజల జీవన విధానాలను ప్రతిబింబించే నాలుగు చిత్రాలు ప్రేక్షకుల ముందుకు రానున్నాయి. వీటిలో రెండు ఫీచర్, రెండు నాన్‌ఫీచర్ చిత్రాలు ఉన్నాయి.

లీనా యాదవ్ దర్శకత్వంలో రూపొందిన 11 నిమిషాల లదాఖీ లఘుచిత్రం 'బికమింగ్' ఇండియన్ పనోరమా నాన్‌ఫీచర్ విభాగంలో ప్రారంభ చిత్రంగా ఎంపికైంది. ఏడేళ్ల బాలుడు అగ్యల్‌కు కలిగే వింత అనుభవాలు, లికిర్ బౌద్ధ మఠంతో ఏర్పడే అనుబంధం, పునర్జన్మకు సంబంధించిన అంశాలతో ఈ చిత్రం రూపొందింది.

సాహిల్ షా దర్శకత్వంలో తెరకెక్కిన 'బర్డ్స్ ఆన్ ఐస్' చిత్రం ఇండియన్ పనోరమా ఫీచర్ విభాగంలో ఎంపిక కావడంతో పాటు ఉత్తమ తొలి చిత్ర దర్శకుడు విభాగానికి కూడా ఎంపికైంది. ఐస్ హాకీ స్కేటర్ కావాలని కలలు కనే తాషి అనే లదాఖీ బాలిక జీవితమే ఈ చిత్ర ఇతివృత్తం. కుటుంబ పరిస్థితులు, ప్రకృతి సవాళ్లను అధిగమిస్తూ తన లక్ష్యాన్ని చేరుకునేందుకు ఆమె చేసే ప్రయత్నాలను ఇందులో చూపించారు.

కాశ్మీరీ చిత్రాల్లో రాజా షబీర్ మహమ్మద్ ఖాన్ దర్శకత్వం వహించిన 'స్లెడ్జ్' ప్రత్యేక ఆకర్షణగా నిలవనుంది. ఈ చిత్రం ఐఎఫ్ఎఫ్ఐలో ఆసియా ప్రీమియర్‌గా ప్రదర్శితం కానుంది. గుల్మార్గ్ సమీపంలోని మంచుతో కప్పబడిన గ్రామంలో నివసించే ముగ్గురు చిన్నారులు తమ కుటుంబ జీవనాధారమైన మంచుబండిని బాగు చేయించేందుకు చేసే ప్రయత్నాలు కథాంశంగా తెరకెక్కించారు. ఈ చిత్రం ఇండియన్ పనోరమా విభాగంలో ఎంపిక కావడంతో పాటు ఉత్తమ తొలి చిత్ర దర్శకుడు పురస్కారం కోసం పోటీపడుతోంది.

ఈ చిత్రాల ద్వారా హిమాలయ ప్రాంత ప్రజల జీవన పోరాటాలు, బాలల ఆశయాలు, ఆధ్యాత్మిక విశ్వాసాలు, స్థానిక సంప్రదాయాలు వెండితెరపై ఆవిష్కృతం కానున్నాయి. ప్రాంతీయ భాషా చిత్రాలకు జాతీయ, అంతర్జాతీయ స్థాయిలో గుర్తింపు తీసుకురావడంలో ఐఎఫ్ఎఫ్ఐ వేదిక కీలకంగా నిలుస్తోంది.

మరిన్ని

మీ స్పందన? 0 స్పందనలు

పాఠకుల అభిప్రాయాలు

ఇప్పటివరకు ఎలాంటి కామెంట్స్ పోస్ట్ చేయలేదు.


కామెంట్‌ను పోస్ట్ చేయండి
Latest news