తెలంగాణ రాష్ట్ర బార్ కౌన్సిల్ వైస్ చైర్మన్‌గా ఎన్నికైన సందర్భంగా నకిరేకల్‌లో ఘన సన్మానం

తెలంగాణ రాష్ట్ర బార్ కౌన్సిల్ వైస్ చైర్మన్‌గా ఎన్నికైన చలకాని వెంకట్ యాదవ్ శనివారం నకిరేకల్‌కు వచ్చిన సందర్భంగా న్యాయవాదులు, అభిమానులు ఘనంగా సన్మానించారు. ఈ సందర్భంగా ఆయనకు ఘనంగా పుష్పగుచ్చాలతో, శాలువాలు కప్పి శుభాకాంక్షలు తెలిపారు.

అనంతరం చలకాని వెంకట్ యాదవ్ మాట్లాడుతూ గొంతుక లేని వారికి తాను గొంతుకగా నిలుస్తానని, అడ్వకేట్ల హక్కుల కోసం నిరంతరం కృషి చేస్తానని అన్నారు. సూర్యాపేట, నకిరేకల్, తదితర ఉమ్మడి నల్గొండ జిల్లా ప్రాంతాలకు చెందిన అడ్వకేట్లు అందించిన మద్దతు, ఆశీర్వాదాల వల్లే తాను ఈ స్థాయికి చేరుకున్నానని తెలిపారు.

తనకు లభించిన వైస్ చైర్మన్ పదవిని కేవలం ఒక హోదాగా కాకుండా, అడ్వకేట్లు తనపై ఉంచిన బాధ్యతగా భావిస్తున్నానని అన్నారు. 24 గంటలూ అడ్వకేట్ల అభ్యున్నతి కోసం పనిచేస్తానని, ప్రతి అడ్వకేట్‌ను తన సోదరుడిగా భావించి వారి సమస్యల పరిష్కారానికి కృషి చేస్తానని చెప్పారు.

ఎన్నికల సమయంలో ఉన్న పోటీ ఎన్నికల వరకే పరిమితమని, ఎన్నికలు పూర్తయిన తర్వాత ప్రతి అడ్వకేట్ తనవాడేనని వెంకట్ యాదవ్ పేర్కొన్నారు. ఎవరు ఎవరికి ఓటు వేశారనే విషయాన్ని పక్కనపెట్టి ప్రతి అడ్వకేట్‌కు సమానంగా న్యాయం జరిగేలా పనిచేయడమే తన లక్ష్యమని స్పష్టం చేశారు.

తెలంగాణ బార్ కౌన్సిల్ వైస్ చైర్మన్‌గా ఎన్నికైన అనంతరం సన్మానం కోసం నకిరేకల్‌కు వచ్చిన సందర్భంగా ఈ కార్యక్రమాన్ని నిర్వహించారు. కార్యక్రమంలో పలువురు అడ్వికేట్లతో పాటు సూర్యాపేట జిల్లా కోర్టు అడ్వకేట్ మాండ్ర మల్లయ్య యాదవ్‌తో పాటు పలువురు న్యాయవాదులు పాల్గొన్నారు. అడ్వకేట్ల హక్కులు, సంక్షేమం కోసం పనిచేసే నాయకత్వంగా చలకాని వెంకట్ యాదవ్ తన బాధ్యతలను సమర్థవంతంగా నిర్వర్తించాలని ఈ సందర్భంగా వారు ఆకాంక్షించారు. అనంతరం చలకాని వెంకట్ యాదవ్ గారు చేసిన కార్యక్రమాలు, అడ్వకేట్లకు అండగా నిలిచిన సందర్భాలను గుర్తు చేసుకుంటూ వారి క్రియాశీలతను గుర్తు చేశారు.