నారాయణఖేడ్ నియోజకవర్గంలోని అంబేద్కర్ భవన్‌లో 12వ తెలంగాణ రాష్ట్ర ఆవిర్భావ దినోత్సవ వేడుకలు ఘనంగా నిర్వహించారు. ఈ సందర్భంగా అంబేద్కర్ భవన్ ఇన్‌చార్జి భీమసేన జాతీయ జెండాను ఆవిష్కరించి జెండాకు వందనం చేశారు. కార్యక్రమానికి ముఖ్య అతిథిగా హాజరైన నేషనల్ హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా రాష్ట్ర వైస్ చైర్మన్ వై. పండరి మాట్లాడుతూ, తెలంగాణ రాష్ట్ర సాధన కోసం పోరాడి ప్రాణత్యాగాలు చేసిన అమరవీరులను స్మరించుకుంటూ వారి త్యాగాలు చిరస్మరణీయమని కొనియాడారు. తెలంగాణ రాష్ట్ర ఏర్పాటు ప్రజల దశాబ్దాల ఆకాంక్షల ఫలితమని, రాష్ట్ర అభివృద్ధి, ప్రజల సంక్షేమం మరియు సామాజిక పురోగతి కోసం ప్రతి ఒక్కరూ తమ బాధ్యతలను సమర్థవంతంగా నిర్వహించాలని సూచించారు. తెలంగాణ ఉద్యమ స్ఫూర్తిని గుర్తు చేసుకుంటూ రాష్ట్ర ప్రగతి కోసం అందరూ ఐక్యంగా కృషి చేయాలని పిలుపునిచ్చారు. ఈ కార్యక్రమంలో బి. నారాయణ, సమ్సన్ సార్, రాజ్ కుమార్, పి. విట్టల్, బాలు యాదవ్, ప్రశాంత్ తదితరులు పాల్గొని తెలంగాణ ఆవిర్భావ దినోత్సవ శుభాకాంక్షలు తెలియజేశారు. కార్యక్రమం ఉత్సాహభరిత వాతావరణంలో విజయవంతంగా జరిగింది.