రామన్నపేట : ఆన్‌లైన్‌లో మందుల విక్రయాల కారణంగా ప్రజారోగ్యానికి తీవ్ర ముప్పు వాటిల్లుతోందని, ఫార్మా రంగంలో నెలకొన్న సమస్యలు, నకిలీ మందుల ప్రభావం, దేశవ్యాప్తంగా కెమిస్టులు ఎదుర్కొంటున్న ఇబ్బందుల పరిష్కారం కోసం ఈ నెల 20న దేశవ్యాప్తంగా మెడికల్ షాపుల బంద్ నిర్వహించనున్నట్లు జిల్లా కెమిస్ట్ అండ్ డ్రగ్గిస్ట్ అసోసియేషన్ ఉపాధ్యక్షుడు రాపోలు రమేశ్ తెలిపారు.

సోమవారం జరిగిన సమావేశంలో ఆయన మాట్లాడుతూ అత్యవసర సేవలకు సంబంధించిన మెడికల్ షాపులు మినహా మిగతా దుకాణాలు బంద్‌లో పాల్గొంటాయని చెప్పారు. బంద్ సందర్భంగా ప్రజలకు ఇబ్బందులు తలెత్తకుండా ప్రత్యామ్నాయ ఏర్పాట్లు చేసుకోవాలని మెడికల్ సూపరింటెండెంట్, పోలీసు సర్కిల్ ఇన్‌స్పెక్టర్, మండల తహశీల్దార్‌లకు ముందస్తుగా సమాచారం అందించినట్లు పేర్కొన్నారు.

ఈ కార్యక్రమంలో మండల కెమిస్ట్ అండ్ డ్రగ్గిస్ట్ అసోసియేషన్ గౌరవ అధ్యక్షుడు పోతరాజు శంకరయ్య, సభ్యులు నరసింహ, కరుణాకర్, సోమయ్య, రాయ్, వెంకటేష్ తదితరులు పాల్గొన్నారు.