నారాయణఖేడ్ పట్టణంలో బహిరంగ ప్రదేశంలో చెత్తను కాల్చిన దుకాణ యజమానికి మున్సిపల్ అధికారులు జరిమానా విధించారు. మున్సిపల్ కమిషనర్ ప్రశాంతి ఆదేశాల మేరకు మంగళవారం మున్సిపల్ శానిటేషన్ ఇన్‌స్పెక్టర్ శ్రీనివాస్ సిబ్బందితో కలిసి తనిఖీలు నిర్వహించారు. ఈ సందర్భంగా చెత్తను కాల్చిన దుకాణ యజమానికి జరిమానా విధించి, రసీదును అందజేశారు. పట్టణాన్ని పరిశుభ్రంగా ఉంచేందుకు ప్రతి ఒక్కరూ సహకరించాలని, చెత్తను బహిరంగ ప్రదేశాల్లో కాల్చకుండా పరిసరాల పరిశుభ్రతను కాపాడాలని మున్సిపల్ అధికారులు సూచించారు.