మృతుని కుటుంబానికి రూ.10,000/- ఆర్థిక సహాయం అందజేత

స్థానికం:యాదాద్రి భువనగిరి జిల్లా బ్యూరో శ్రీనివాస్

గుండాల మండల పరిధిలోని సుద్దాల గ్రామంలో కాంగ్రెస్ పార్టీ సీనియర్ నాయకులు యమాగని బక్కయ్య గౌడ్ మృతదేహానికి పూలమాల వేసి తెలంగాణ రాష్ట్ర ప్రభుత్వ విప్ ఆలేరు ఎమ్మెల్యే బీర్ల అయిలయ్య నివాళులర్పించారు. తాటి చెట్టుపై నుండి ప్రమాదవశాత్తు కింద పడటంతో యమాగని బక్కయ్య గౌడ్ మృతి చెందడం అత్యంత బాధాకరమని తెలంగాణ రాష్ట్ర ప్రభుత్వ విప్,ఆలేరు ఎమ్మెల్యే బీర్ల ఐలయ్య తెలిపారు. ఈ సందర్భంగా మృతుడు యమాగని బక్కయ్య గౌడ్ గారి మృతదేహానికి పూలమాల వేసి ఘనంగా నివాళులర్పించారు.వారి కుటుంబ సభ్యులను పరామర్శించి ధైర్యం చెప్పారు. అదేవిధంగా బీర్ల ఫౌండేషన్ సహకారంతో మృతుని కుటుంబానికి రూ.10,000/- ఆర్థిక సహాయం అందజేశారు. భవిష్యత్తులో ప్రభుత్వ పరంగా అందే అన్ని సంక్షేమ పథకాలను మృతుని కుటుంబానికి అందేలా పూర్తి సహకారం అందిస్తానని ఎమ్మెల్యే హామీ ఇచ్చారు.