జగదీశ్ రెడ్డి ఆశీస్సులతో రాపర్తి మహేష్ గౌడ్ ఘన విజయం ఖాయం

సూర్యాపేట జిల్లా స్థానికం ప్రతినిధి బిక్షం

సూర్యాపేట మున్సిపాలిటీ 12వ వార్డు నుంచి బీఆర్ఎస్ పార్టీ అభ్యర్థిగా బరిలో ఉన్న రాపర్తి మహేష్ గౌడ్ కౌన్సిలర్‌గా ఘన విజయం సాధిస్తారని పార్టీ శ్రేణులు విశ్వాసం వ్యక్తం చేశాయి. సూర్యాపేట మాజీ మంత్రి, స్థానిక ఎమ్మెల్యే అయిన గుంటకండ్ల జగదీశ్ రెడ్డి ఆశీస్సులు, మార్గదర్శకత్వంతో మహేష్ గౌడ్ ప్రజాసేవలో మరింత ముందుకు సాగుతారని పేర్కొన్నారు.విద్యార్థి దశ నుంచే నాయకత్వ లక్షణాలు కలిగిన వ్యక్తిగా మహేష్ గౌడ్‌కు మంచి గుర్తింపు ఉందని పలువురు తెలిపారు. ముఖ్యంగా మంచితనం, ఆపదలో ఉన్నవారికి ముందుండి సహాయం చేసే స్వభావం ఆయనను ప్రత్యేకంగా నిలబెట్టిందన్నారు. ప్రజల సమస్యలపై ఎప్పటికప్పుడు స్పందిస్తూ, వార్డు అభివృద్ధే లక్ష్యంగా పనిచేసే మనసున్న నాయకుడిగా ఆయన పేరు ప్రఖ్యాతులు సంపాదించుకున్నారని పేర్కొన్నారు. 12వ వార్డు ప్రజలు మహేష్ గౌడ్‌కు పెద్ద ఎత్తున మద్దతు ప్రకటిస్తున్నారని, రానున్న ఎన్నికల్లో ఆయన విజయం ఖాయమని బీఆర్ఎస్ నాయకులు ధీమా వ్యక్తం చేశారు. కౌన్సిలర్‌గా ఎన్నికైతే వార్డును అన్ని రంగాల్లో అభివృద్ధి పథంలో నడిపిస్తానని మహేష్ గౌడ్ ఈ సందర్భంగా స్పష్టం చేశారు.