తుంగతుర్తి ప్రతినిధి బండి కిరణ్

తుంగతుర్తి మండల గొట్టిపర్తి గ్రామానికి చెందిన ఇటీవల జరిగిన సిఆర్పిఎఫ్ ఉద్యోగాల నియామకాల్లో గ్రామానికి చెందిన చింతకుంట్ల మల్లేష్ ఉద్యోగం పొందాడు. ఈ సందర్భంగా మల్లేష్ ను గ్రామ సర్పంచ్ చిలకల మంజుల వెంకన్న, తుంగతుర్తి మార్కెట్ కమిటీ వైస్ చైర్మన్ చింతకుంట్ల వెంకన్న, మాజీ సర్పంచులు, మాజీ ఎంపీటీసీలు, ఉప సర్పంచ్, పాలకవర్గ సభ్యులు వారిని ఘనంగా శాలువాతో సన్మానం చేసి అభినందించారు. ఈ సందర్భంగా వారు మాట్లాడుతూ... మల్లేష్ చిన్నప్పట్నుంచి కష్టపడి చదివి తండ్రి కోల్పోయిన కూడా బాధపడకుండా కష్టపడి చదివి ఈ ఉద్యోగాన్ని సాధించార నీ అన్నారు. పట్టుదల ఉంటే ఏదైనా సాధించవచ్చు అని అన్నారు. యువకులు గంజాయి అలవాటు పడకుండా బాగా చదువుకొని ఉన్నత స్థానానికి ఎదగాలని, గ్రామానికి తల్లిదండ్రులకు పేరు ప్రఖ్యాతలు తీసుకురావాలని వారు కోరారు. ఈ కార్యక్రమంలో ఉప సర్పంచ్ అన్నబోయిన శ్రీకాంత్, మాజీ సర్పంచులు సోమయ్య, మాజీ ఎంపీటీసీ కేతిరెడ్డి లతా విజయకుమార్ రెడ్డి, బీఆర్ఎస్ గ్రామ శాఖ అధ్యక్షుడు బర్ల సోమన్న, ఉపాధ్యక్షులు బాలగాని ప్రవీణ్ కుమార్, గ్రామస్తులు పాల్గొన్నారు.