సూర్యపేట జిల్లా మునగాల మండలం రేపాల గ్రామంలో నిర్వహించనున్న స్వయంభు శ్రీ లక్ష్మీనరసింహ స్వామి జాతరకు సంబంధించిన కరపత్రాలను కోదాడ నియోజకవర్గ ఎమ్మెల్యే ఉత్తమ్ పద్మావతి రెడ్డి ఘనంగా విడుదల చేశారు.

ఈ సందర్భంగా ఎమ్మెల్యే మాట్లాడుతూ, రేపాల గ్రామంలోని స్వయంభు శ్రీ లక్ష్మీనరసింహ స్వామి జాతరకు విశేష చరిత్ర, భక్తుల ఆదరణ ఉందని పేర్కొన్నారు. జాతరను భక్తిశ్రద్ధలతో, శాంతియుతంగా నిర్వహించుకోవాలని గ్రామస్తులకు పిలుపునిచ్చారు.కార్యక్రమంలో దేవాలయ చైర్మన్ సారిక చిన్నరామయ్య , యలక నరేందర్ రెడ్డి, బెజవాడ సీతారాములు, గండు వీరబాబు, రావుబుచ్చిరెడ్డి యూత్ కాంగ్రెస్ నాయకులు పల్లి సైదిరెడ్డి, రావులపెంట సతీష్ , తదితరులు పాల్గొన్నారు.