చౌటుప్పల్ మున్సిపల్ కాంగ్రెస్ పార్టీ మాజీ అధ్యక్షులు మొగుదాల రమేష్ గౌడ్ తండ్రి, చౌటుప్పల్ పురపాలక చైర్ పర్సన్ మొగుదాల పావని రమేష్ గౌడ్ మామ మొగుదాల స్వామి గౌడ్ దశదిన కార్యక్రమం ఆదివారం వలిగొండ రోడ్డులోని ఎస్‌ఎంఆర్ ఫంక్షన్ హాల్‌లో నిర్వహించారు. కుటుంబ సభ్యులు, బంధువులు, స్నేహితులు, స్థానిక ప్రముఖులు అధిక సంఖ్యలో హాజరై స్వామి గౌడ్ చిత్రపటానికి పూలమాలలు వేసి నివాళులర్పించారు.ఈ సందర్భంగా న్యాయవాది, మునుగోడు నియోజకవర్గ స్వతంత్ర్య ఎమ్మెల్యే అభ్యర్థి చెరుకు శివకుమార్ గౌడ్, స్వామి గౌడ్ చిత్రపటానికి పూలమాల వేసి ఘనంగా నివాళులర్పించారు. వారి ఆత్మకు శాంతి చేకూరాలని ప్రార్థిస్తూ కుటుంబ సభ్యులకు ప్రగాఢ సానుభూతి తెలిపారు.ఈ కార్యక్రమంలో మలిగె శంకర్, చింతకింది శేఖర్, బత్తుల మల్లేష్, రెడ్డగోని మల్లేష్, తొర్పునూరి సన్నీ తదితరులు పాల్గొన్నారు.