కార్యక్రమానికి హాజరైన రాంరెడ్డి సర్వోత్తమ్ రెడ్డి , కొప్పుల వేణారెడ్డి

లక్ష రూపాయల విరాళం అందజేసిన కొప్పుల వేణారెడ్డి

సూర్యాపేట జిల్లా స్థానికం ప్రతినిధి బిక్షం

సూర్యాపేట జిల్లా కేంద్రంలోని సీతారామ కన్వెన్షన్ హాల్‌లో నిర్వహించిన సూర్యాపేట జిల్లా రెడ్డి సంక్షేమ సంఘం నూతన కార్యవర్గ ప్రమాణ స్వీకారం కార్యక్రమం ఘనంగా జరిగింది. ఈ కార్యక్రమానికి ఏఐసీసీ సభ్యుడు రాంరెడ్డి సర్వోత్తమ్ రెడ్డి, వ్యవసాయ మార్కెట్ కమిటీ చైర్మన్ కొప్పుల వేణారెడ్డి హాజరయ్యారు. ఈ సందర్భంగా నూతన కార్యవర్గ సభ్యులతో ప్రమాణ స్వీకారం చేయించి, నూతన సంవత్సర క్యాలెండర్‌ను ఆవిష్కరించారు. సంఘం అభివృద్ధి కోసం కొప్పుల వేణారెడ్డి లక్ష రూపాయల చెక్కును అందజేయడం విశేషంగా నిలిచింది.

వక్తలు మాట్లాడుతూ రెడ్డి సంక్షేమ సంఘం సామాజిక ఐక్యతతో పాటు సేవా కార్యక్రమాల్లో ముందుండాలని, యువతను సంఘ కార్యక్రమాల్లో భాగస్వాముల్ని చేయాలని సూచించారు. సంఘం అభివృద్ధికి అందరూ కలిసి కృషి చేయాలని పిలుపునిచ్చారు.

ఈ కార్యక్రమంలో సంఘ నాయకులు, సభ్యులు, పెద్ద సంఖ్యలో రెడ్డి సంఘానికి చెందిన కుటుంబ సభ్యులు పాల్గొన్నారు.