సూర్యాపేట జిల్లా స్థానికం ప్రతినిధి బిక్షం

సిబ్బందిని సమన్వయం చేయడంలో పోలీస్ కంట్రోల్ రూమ్ విధులు ముఖ్యమైనదని జిల్లా ఎస్పీ నరసింహ ఐపీఎస్ తెలియజేశారు. జిల్లా పోలీస్ కార్యాలయం నందు ఉన్న పోలీస్ సెంట్రల్ కంట్రోల్ రూమ్, పోలీస్ కమాండ్ అండ్ కంట్రోల్ సెంటర్ ల పనితీరును పరిశీలించి సిబ్బందికి సూచనలు సలహాలు అందించారు. ఈ సందర్భంగా ఎస్పీ మాట్లాడుతూ డయల్ 100, పెట్రో కార్, నైట్ పెట్రోలింగ్, హైవే పెట్రోలింగ్, బ్లూ కోట్స్, బీట్ డ్యూటీలను నిరంతరం పర్యవేక్షణ చేస్తూ అప్రమత్తం చేయాలని సూచించారు. ఎక్కడ ప్రమాదాలు సంభవించిన సమస్యలు వచ్చిన నేరుగా అధిక సంఖ్యలో డయల్ 100 కు ఫిర్యాదులు వస్తున్నాయని ఫిర్యాదుల పట్ల వేగంగా స్పందించి సిబ్బంది బాధితులకు పోలీస్ సేవలు అందించాలని ఆదేశించారు. కమాండ్ అండ్ కంట్రోల్ సెంటర్ ద్వారా జిల్లాలో పరిస్థితులను ఎప్పటికప్పుడు పరిశీలిస్తూ అనుమానిత కదలికలు గమనిస్తూ సంబంధిత పోలీసు వారికి సమాచారం అందించి నేరాల నివారణలో కృషి చేయాలని అన్నారు. ప్రతి అంశాన్ని సెంట్రల్ కమాండ్ అండ్ కంట్రోల్ సెంటర్ ద్వారా రాష్ట్రస్థాయిలో పర్యవేక్షణ చేస్తున్నారని వేగంగా సేవలందించడం ద్వారా జిల్లా పోలీస్ శాఖకు గుర్తింపు వస్తుందని సూచించారు. జిల్లా పోలీస్ కంట్రోల్ సెంటర్ నుండి సిబ్బందిని ఎప్పటికప్పుడు అప్రమత్తం, సమన్వయం చేస్తూ కృషి చేయాలన్నారు. ఎస్పీ వెంట స్పెషల్ బ్రాంచ్ ఇన్స్పెక్టర్ రామారావు, పోలీస్ ఇన్ఫర్మేషన్ టెక్నాలజీ సెంటర్ ఆర్ఎస్ఐ రాజశేఖర్ పోలీస్ కంట్రోల్ రూమ్ ఎస్సై సిబ్బంది పాల్గొన్నారు.