కలెక్టర్ చేతులమీదుగా ఘన సన్మానం

రామన్నపేట, స్థానిక్తం ప్రధాన ప్రతినిధి

రామన్నపేట తహసీల్దార్ కార్యాలయంలో సీనియర్ అసిస్టెంట్‌గా విధులు నిర్వహిస్తున్న కే. గాలయ్య ప్రజలకు అందిస్తున్న నిబద్ధతతో కూడిన సేవలకు జిల్లా యంత్రాంగం ఘనంగా గుర్తింపు ఇచ్చింది. జిల్లా కేంద్రంలో 77వ గణతంత్ర దినోత్సవం సందర్భంగా నిర్వహించిన అధికారిక కార్యక్రమంలో కలెక్టర్ హనుమంతరావు చేతులమీదుగా గాలయ్యకు ఉత్తమ ఉద్యోగ అవార్డును ప్రదానం చేశారు.

విధి నిర్వహణలో క్రమశిక్షణ, కార్యాలయ వ్యవహారాల్లో సమర్థత, ప్రజా సమస్యల పరిష్కారంలో చూపుతున్న చురుకుదనం గాలయ్యను ప్రత్యేకంగా నిలబెట్టాయి. ఆయన సేవలు ఇతర ఉద్యోగులకు మార్గదర్శకంగా నిలుస్తున్నాయని అధికారులు ప్రశంసించారు.

ఈ సందర్భంగా తహసీల్దార్ లాల్బహదూర్, నాయబ్ తహసీల్దార్ శైలజ, ఆర్‌ఐ శోభతో పాటు రెవెన్యూ శాఖ సిబ్బంది, వివిధ రాజకీయ పార్టీల నాయకులు గాలయ్యను అభినందించి శుభాకాంక్షలు తెలిపారు. భవిష్యత్తులో మరింత ఉత్తమ సేవలు అందించాలని ఆకాంక్షించారు.