రామన్నపేట: యాదాద్రి భువనగిరి జిల్లా రామన్నపేట మండలం నిదానపల్లి గ్రామంలో సోమవారం రాత్రి కాముడి దహన కార్యక్రమాన్ని గ్రామ పెద్దలు ఘనంగా నిర్వహించారు. సంప్రదాయ విధానంలో నిర్వహించిన ఈ కార్యక్రమానికి గ్రామస్థులు పెద్ద సంఖ్యలో హాజరయ్యారు.

ఈ సందర్భంగా సర్పంచ్ నారపాక మాధవి–యాదయ్య మాట్లాడుతూ, మంగళవారం జరగనున్న హోలీ పండుగను గ్రామస్థులు ఐక్యంగా, ఆటపాటలతో, ఎలాంటి ఇబ్బందులు లేకుండా శాంతియుతంగా జరుపుకోవాలని సూచించారు. పండుగ సాంప్రదాయాలను కాపాడుతూ పరస్పర గౌరవంతో వేడుకలు నిర్వహించాలని కోరారు.

కార్యక్రమంలో కొండ మల్లయ్య గౌడ్, బోడిగే రంగయ్య, కడారి వెంకటేశం, భాషా మల్ల సంతోష్, చల్ల అశోక్, చల్ల రమేష్, నారపాక బిక్షపతి, వర్కాల వినయ్, వీరమల్ల వీరేశం, భాషా మల్ల వెంకటేశం, బొడ్డుపల్లి సత్తయ్య కడారి నరసింహ, ఈసం గాలయ్య, సల్ల వెంకట్, నరపాక జగ్జీవన్ రావ్ తదితరులు పాల్గొన్నారు.