నారాయణఖేడ్ నియోజకవర్గం పరిధిలోని నారాయణఖేడ్ పట్టణంలో నేషనల్ హ్యూమన్ రైట్స్, సోషల్ జస్టిస్,సోషల్ సర్వీస్ ఫర్ చేంజ్ ఆఫ్ ఇండియా ఆధ్వర్యంలో రాష్ట్ర వైస్ చైర్మన్ వై. పండరి జన్మదిన వేడుకలు ఘనంగా నిర్వహించారు.ఈ కార్యక్రమం జిల్లా అధ్యక్షులు బైండ్ల కృష్ణ, జిల్లా ప్రధాన కార్యదర్శి బి. అఖిల్,జిల్లా ఎగ్జిక్యూటివ్ మెంబర్ ప్రభాకర్,న్యాల్‌కల్ మండలం అధ్యక్షులు నవీన్ కుమార్ సమక్షంలో ఉత్సాహభరితంగా జరిగింది.నాగల్గిద్ద మండలం పరిధిలోని ఆవుత్‌పూర్ గ్రామం నివాసి అయిన వై. పండరి సామాజిక సేవా కార్యక్రమాల్లో చురుకుగా పాల్గొంటూ ప్రజలకు సేవలందిస్తున్న నాయకుడిగా గుర్తింపు పొందారు.ఆయన జన్మదినాన్ని పురస్కరించుకుని ప్రజాసంఘాల నాయకులు, అంబేద్కర్ అభిమానులు, స్థానిక ప్రజలు కలిసి ఘనంగా వేడుకలు నిర్వహించారు.ఈ సందర్భంగా వై. పండరితో కేక్ కట్ చేయించి, శాలువాతో సన్మానించి హృదయపూర్వక జన్మదిన శుభాకాంక్షలు తెలిపారు.సమాజంలో ఆయన చేస్తున్న సేవలను కొనియాడుతూ,భవిష్యత్తులో కూడా ఇదే విధంగా మరింత సేవ చేయాలని ఆకాంక్షించారు.ఈ కార్యక్రమంలో రిటైర్డ్ టీచర్ భూమయ్య,కండక్టర్ రాజ్‌కుమార్,శాంత్‌కుమార్ తదితరులు పాల్గొని పండరికి శుభాకాంక్షలు తెలిపారు. కార్యక్రమం ఆనందోత్సాహాల మధ్య ముగిసింది.