నార్కట్‌పల్లి పట్టణ కేంద్రంలో ఘోర రోడ్డు ప్రమాదం చోటుచేసుకుంది. నల్లగొండ రోడ్డు చౌరస్తాలో ఉన్న దీపక్ మెడికల్ షాప్ లోకి అదుపుతప్పి లారీ దూసుకెళ్లింది. ఈ ప్రమాదంలో మేడి కృష్ణ అక్కడికక్కడే మృతి చెందగా, లారీ డ్రైవర్ పరిస్థితి విషమంగా ఉన్నట్లు వైద్యులు తెలిపారు.స్థానికుల సమాచారం మేరకు, అర్ధరాత్రి సమయంలో వేగంగా వస్తున్న లారీ అకస్మాత్తుగా నియంత్రణ కోల్పోయి మెడికల్ షాప్‌లోకి దూసుకెళ్లింది. ప్రమాదం తీవ్రతతో దుకాణం పూర్తిగా దెబ్బతింది. ఘటనా స్థలంలో ఉద్రిక్త వాతావరణం నెలకొంది.

శుక్రవారం ఉదయం సంఘటన స్థలాన్ని ఎస్పి శరత్ చంద్ర పవర్ ఐపీఎస్ డిఎస్పి కొలను శివరాం రెడ్డి స్థానిక ఎస్ఐ పందిరి విష్ణుమూర్తి పరిశీలించారు. ప్రమాదానికి గల కారణాలపై విచారణ చేపట్టినట్లు అధికారులు తెలిపారు.మృతదేహాన్ని పోస్టుమార్టం నిమిత్తం ఆసుపత్రికి తరలించి, కేసు నమోదు చేసి దర్యాప్తు కొనసాగిస్తున్నట్లు పోలీసులు వెల్లడించారు. పట్టణ ప్రజలు ఈ ఘటనపై తీవ్ర ఆందోళన వ్యక్తం చేస్తున్నారు.