నల్గొండ జిల్లా నకిరేకల్ నియోజకవర్గ పరిధిలో హోలీ పండుగ సందడి ఉత్సాహంగా కొనసాగింది. చిట్యాల మున్సిపాలిటీ ఆరవ వార్డు కౌన్సిలర్ జెర్రి పోతుల సత్యనారాయణహోలీపర్వదినాన్ని పురస్కరించుకుని నకిరేకల్ పట్టణ కేంద్రంలో ఎమ్మెల్యే వేముల వీరేశం ను మర్యాదపూర్వకంగా కలిసి శుభాకాంక్షలు తెలిపారు.

ఈ సందర్భంగా కౌన్సిలర్ మాట్లాడుతూ హోలీ పండుగ సౌభ్రాతృత్వానికి, ఐక్యతకు ప్రతీకగా నిలుస్తుందని పేర్కొన్నారు. ప్రజలు ఆనందంగా, సుఖశాంతులతో జీవించాలని ఆకాంక్షించారు. ఎమ్మెల్యే వేముల వీరేశం కూడా ప్రజలకు హోలీ శుభాకాంక్షలు తెలియజేస్తూ, నియోజకవర్గ అభివృద్ధికి తాను కట్టుబడి ఉన్నట్లు తెలిపారు.

ఈ కార్యక్రమంలో చిట్యాల మున్సిపాలిటీ ఆరవ వార్డు కార్యకర్తలు, స్థానిక నాయకులు, అభిమానులు పాల్గొని వేడుకను ఉత్సాహంగా జరుపుకున్నారు. పండుగ వాతావరణంలో నాయకులు పరస్పరం రంగులు చల్లి ఆనందాన్ని పంచుకున్నారు.