కౌంటింగ్ కేంద్రం పరిశీలన

మున్సిపాలిటీ ఎన్నికల నేపథ్యంలో భువనగిరి మండలంలోని దివ్య బాల స్కూల్‌లో ఏర్పాటు చేసిన కౌంటింగ్ కేంద్రాన్ని జిల్లా ఎన్నికల అధికారి, కలెక్టర్ హనుమంత రావు శనివారం పరిశీలించారు. ఆయనతో పాటు ఎస్పీ అక్షాంక్ష్ యాదవ్, స్థానిక సంస్థల అదనపు కలెక్టర్ భాస్కర్ రావు పాల్గొన్నారు.కౌంటింగ్ హాళ్లు, టేబుళ్ల ఏర్పాటు, సిబ్బంది నియామకం, భద్రతా చర్యలు, సీసీటీవీ పర్యవేక్షణ, తాగునీరు, మరుగుదొడ్లు, విద్యుత్ సరఫరా తదితర మౌలిక వసతులను వారు పరిశీలించారు. కౌంటింగ్ ప్రక్రియ పారదర్శకంగా, చట్టబద్ధంగా, ఎలాంటి అంతరాయం లేకుండా నిర్వహించేలా అన్ని ఏర్పాట్లు పూర్తి చేయాలని అధికారులకు సూచించారు.

ఈ కార్యక్రమంలో రెవెన్యూ డివిజనల్ అధికారి కృష్ణారెడ్డి, మున్సిపల్ కమిషనర్ రామలింగం తదితర అధికారులు పాల్గొన్నారు.