సూర్యాపేట జిల్లా మద్దిరాల మండలం ముకుందాపుర గ్రామానికి చెందిన మీసాల జతీష్ అంతర్జాతీయ కరాటే పోటీల్లో మరోసారి భారతదేశానికి గర్వకారణంగా నిలిచాడు.

విశాఖపట్నంలోని స్వర్ణభారతి ఇండోర్ స్టేడియంలో, కరాటే ఇండియా ఆర్గనైజేషన్ ఆధ్వర్యంలో యునైటెడ్ షోటోఖాన్ కరాటే డూ ఇండియా, మహిర షోటోఖాన్ కరాటే డూ ఇండియా సంయుక్తంగా నిర్వహించిన 9వ ఆల్ స్టైల్స్ ఇన్విటేషనల్ కరాటే చాంపియన్‌షిప్–2026లో నాలుగు దేశాల మార్షల్ ఆర్ట్స్ క్రీడాకారులు పాల్గొన్నారు.

ఈ ప్రతిష్టాత్మక పోటీల్లో పాల్గొన్న మీసాల జతీష్,కటాస్ విభాగంలో బంగారు పతకం,

కుమితే విభాగంలో మరో బంగారు పతకం సాధించి ద్వంద్వ విజయం నమోదు చేశాడు.

కృష్ణవేణి టాలెంట్ స్కూల్‌లో విద్యనభ్యసిస్తున్న జతీష్ చిన్ననాటి నుంచే క్రీడలపై ప్రత్యేక ఆసక్తి చూపుతూ, పాల్గొన్న ప్రతి అంతర్జాతీయ పోటీలో బంగారు పతకాలు సాధించడం విశేషమని కోచ్ మాస్టర్ మహేష్ నాయక్ తెలిపారు. జతీష్ సాధించిన ఈ ఘన విజయం గ్రామానికి, జిల్లాకు అంతర్జాతీయ స్థాయిలో గుర్తింపు తెచ్చిందని పలువురు అభినందించారు.