రామన్నపేట స్థానికం ప్రధాన ప్రతినిధి

యాదాద్రి భువనగిరి జిల్లా రామన్నపేట మండలంలోని ఇంద్రపాలనగరంలో రాష్ట్ర ప్రభుత్వం ప్రతిష్ఠాత్మకంగా చేపట్టిన క్లస్టర్ స్థాయి సీఎం కప్ క్రీడా పోటీలు శనివారం ఘనంగా ప్రారంభమయ్యాయి. ఈ క్రీడా పోటీలను గ్రామ సర్పంచ్ గర్ధాస్ విక్రమ్ ప్రారంభించారు.

ఈ సందర్భంగా సర్పంచ్ గర్ధాస్ విక్రమ్ మాట్లాడుతూ, గ్రామీణ ప్రాంతాల్లో క్రీడల అభివృద్ధి ద్వారా యువతలో క్రమశిక్షణ, నాయకత్వ లక్షణాలు, శారీరక దృఢత్వం పెంపొందుతాయని అన్నారు. సీఎం కప్ పోటీలు గ్రామీణ క్రీడాకారులకు తమ ప్రతిభను వెలికితీయడానికి చక్కని వేదికగా మారాయని పేర్కొన్నారు. యువత చదువుతో పాటు క్రీడల్లోనూ రాణించాలని ఆకాంక్షించారు.

ఈ కార్యక్రమంలో ఉప సర్పంచ్ నల్ల జయసుధ స్వామి, వార్డు సభ్యులు, పంచాయతీ సెక్రటరీ రసూల్, ప్రధానోపాధ్యాయులు, ఫిజికల్ డైరెక్టర్, ఉపాధ్యాయులు, విద్యార్థులు, గ్రామ యువకులు, సీనియర్ నాయకులు పాల్గొని క్రీడాకారులను ఉత్సాహపరిచారు.