భక్తిశ్రద్ధలతో నిర్వహించిన ఆర్యవైశ్యుల కులదేవత వేడుకలు

సూర్యాపేట జిల్లా స్థానికం ప్రతినిధి బిక్షం

ఆర్యవైశ్యుల కులదేవత శ్రీ వాసవి మాత ఆత్మార్పణ దినోత్సవ పూజలను మంగళవారం సూర్యాపేట జిల్లా కేంద్రంలోని శ్రీ వాసవి కన్యకా పరమేశ్వరి దేవాలయంలో భక్తిశ్రద్ధలతో ఘనంగా నిర్వహించారు. ఈ సందర్భంగా మూలవిరాట్ శ్రీ వాసవి మాతకు, ఉత్సవ విగ్రహానికి పంచామృతాలతో అభిషేకాలు నిర్వహించారు. వాసవి మాత వ్రతంతో పాటు హోమం నిర్వహించి ప్రత్యేక పూజలు చేశారు. మహిళలు పెద్ద సంఖ్యలో పాల్గొని అమ్మవారికి ఒడి బియ్యం పోసి మొక్కులు చెల్లించారు.పూజా కార్యక్రమాల అనంతరం భక్తులకు అన్నప్రసాదాన్ని పంపిణీ చేశారు. ఆలయ ప్రాంగణం భక్తులతో కిటకిటలాడింది.ఈ కార్యక్రమంలో దేవాలయ అధ్యక్షులు సింగిరికొండ రవీందర్, ప్రధాన కార్యదర్శి ఈగ వెంకటేశ్వర్లు, కోశాధికారి పోలా రాధాకృష్ణ, కమిటీ సభ్యులు గుండా శ్రీధర్, తల్లాడ సోమయ్య పాల్గొన్నారు. అలాగే భక్తులు తాళ్లపల్లి రామయ్య, శ్రీరంగం రాము, రాచకొండ శ్రీనివాస్, యమ సంతోష్, చల్లా లక్ష్మయ్య, గుండా ఉపేందర్, కలకోట లక్ష్మయ్య, శ్రీనివాస్ గుప్తా, సింగిరికొండ సుకుమార్, తెడ్ల ప్రభాకర్, జూలకంటి నాగరాజు, బజ్జూరి శ్రీనివాస్, బచ్చు పురుషోత్తం, చిలుకల శ్రీనివాస్, స్వాతి తదితరులు పాల్గొన్నారు.