కాంగ్రెస్ పార్టీ రాష్ట్ర నాయకుడు చలమల్ల కృష్ణారెడ్డి జన్మదిన వేడుకలు అభిమానుల ఆధ్వర్యంలో చౌటుప్పల్ మండలం దామెరలోని ఆయన కార్యాలయంలో ఆదివారం ఘనంగా నిర్వహించారు. ముందుగా మండలంలోని శ్రీ ఆందోల్ మైసమ్మ దేవాలయంలో ప్రత్యేక పూజలు నిర్వహించారు. అనంతరం దామెరలోని ఆయన కార్యాలయానికి చేరుకున్నారు. వివిధ మండలాల నుంచి వచ్చిన కాంగ్రెస్ పార్టీ నాయకులు కృష్ణారెడ్డికి జన్మదిన శుభాకాంక్షలు తెలిపారు. కాంగ్రెస్ పార్టీ నాయకులు,అభిమానుల సమక్షంలో కేక్ కట్ చేశారు.పలు గ్రామాల నుంచి వచ్చిన కాంగ్రెస్ పార్టీ నాయకులు శాలువాలతో ఘనంగా సత్కరించారు. పూల బొకేలను అందజేసి జన్మదిన శుభాకాంక్షలు తెలిపారు. ఈ కార్యక్రమంలో వివిధ మండలాల నుంచి వచ్చిన కాంగ్రెస్ పార్టీ నాయకులు, ఆయన అభిమానులు తదితరులు పాల్గొన్నారు.