సూర్యపేట జిల్లా మునగాల మండలం రేపాల గ్రామంలో సర్పంచ్ మొగిలిచర్ల సత్యనారాయణ ఆధ్వర్యంలో దోమల నివారణ చర్యలు చేపట్టారు. గ్రామంలో దోమల పెరుగుదల వల్ల సీజనల్ వ్యాధులు ప్రబలకుండా ముందస్తు జాగ్రత్తగా దోమల మందు పిచికారీ కార్యక్రమం నిర్వహించారు.ఈ కార్యక్రమంలొ సర్పంచ్ మొగిలిచర్ల సత్యనారాయణ స్వయంగా పర్యవేక్షిస్తూ పాల్గొన్నారు. ఆయనతో పాటు గ్రామ పెద్దలు, పారిశుధ్య కార్మికులు కూడా పాల్గొని గ్రామంలోని ప్రధాన వీధులు, నివాస ప్రాంతాల్లో దోమల మందు పిచికారీ చేశారు.గ్రామ ప్రజల ఆరోగ్యం దృష్టిలో పెట్టుకుని ఇలాంటి కార్యక్రమాలు నిరంతరం కొనసాగిస్తామని సర్పంచి తెలిపారు. గ్రామంలో పరిశుభ్రత, ఆరోగ్య పరిరక్షణకు గ్రామపంచాయితీ కట్టుబడి ఉందని ఆయన స్పష్టం చేశారు.గ్రామస్తులు ఈ చర్యలను అభినందిస్తూ, దోమల నియంత్రణ చర్యలు తరచుగా చేపట్టాలని కోరారు.