స్థానికం ప్రధాన ప్రతినిధి కొండ మల్లేశం గౌడ్

2025–26 ఆర్థిక సంవత్సరానికి గాను తెలంగాణ దివ్యాంగుల సహకార సంస్థ (TSDCO) ఆధ్వర్యంలో జిల్లాలోని అర్హులైన దివ్యాంగులకు అవసరమైన ఉపకరణాల పంపిణీకి దరఖాస్తులు ఆహ్వానిస్తున్నట్లు జిల్లా సంక్షేమ అధికారి (మహిళ, శిశు, దివ్యాంగుల మరియు వయోవృద్ధుల శాఖ), యాదాద్రి భువనగిరి జిల్లా వెల్లడించారు.

ఈ పథకం కింద

మొబైల్ బిజినెస్ బ్యాటరీ ట్రైసైకిళ్లు,

హైబ్రిడ్ వీల్‌చైర్ అటాచ్‌మెంట్లు,

డిగ్రీ, ఉన్నత విద్య అభ్యసిస్తున్న దివ్యాంగ విద్యార్థులకు ల్యాప్‌టాప్‌లు,

సాంకేతిక విద్యార్థులకు ల్యాప్‌టాప్‌లు,

ట్యాబ్లెట్లుఅందజేయనున్నట్లు తెలిపారు.

దివ్యాంగుల సాధికారత లక్ష్యంగా ఈ ఉపకరణాలు ఎంతో ఉపయోగకరంగా నిలుస్తాయని పేర్కొన్నారు. జిల్లాలో నివసిస్తున్న అర్హులైన దివ్యాంగులు 20-01-2026 నుంచి 30-01-2026 వరకు ఆన్లైన్‌లో దరఖాస్తు చేసుకోవాలని సూచించారు.

దరఖాస్తులు https://tgobmms.cgg.gov.in (TG-OBMMS) వెబ్‌సైట్ ద్వారా మాత్రమే స్వీకరించబడతాయని, పూర్తి వివరాలు పొందుపరిచి నిర్ణీత గడువులో దరఖాస్తు చేయాలని జిల్లా సంక్షేమ అధికారి విజ్ఞప్తి చేశారు.