నల్లగొండ స్థానికం ప్రధాన ప్రతినిధి

గ్రామాల సమగ్ర అభివృద్ధిని లక్ష్యంగా పెట్టుకొని నల్లగొండ డీఆర్‌డీఓ కార్యాలయంలో చిట్యాల మండలానికి చెందిన సర్పంచులకు శిక్షణా తరగతులు నిర్వహించారు. గ్రామ పంచాయతీల్లో చేపట్టాల్సిన అభివృద్ధి కార్యక్రమాలు, నిధుల సద్వినియోగం, ప్రభుత్వ పథకాల అమలు, పారదర్శకత వంటి అంశాలపై అధికారుల ద్వారా విస్తృత అవగాహన కల్పించారు.

ఈ సందర్భంగా అధికారులు మాట్లాడుతూ, గ్రామాభివృద్ధిలో సర్పంచుల పాత్ర కీలకమని పేర్కొన్నారు. ప్రణాళికాబద్ధంగా అభివృద్ధి పనులు చేపట్టడంతో పాటు ప్రజల భాగస్వామ్యాన్ని పెంపొందించాల్సిన అవసరం ఉందని సూచించారు. గ్రామాల్లో పారిశుధ్యం, త్రాగునీటి సౌకర్యాలు, ఉపాధి హామీ పనులు, పచ్చదనం పెంపకం వంటి అంశాలపై ప్రత్యేకంగా దృష్టి సారించాలని సర్పంచులకు మెలకువలు, సూచనలు ఇచ్చారు.శిక్షణా తరగతులకు హాజరైన చిట్యాల మండల సర్పంచులు ఈ కార్యక్రమం గ్రామాల అభివృద్ధికి ఉపయోగకరంగా ఉందని అభిప్రాయపడ్డారు.