చౌటుప్పల మండలం ఎల్లంబావి గ్రామ ఉపసర్పంచ్ సామిడి శ్రీనివాస్ రెడ్డి గ్రామంలో నివసిస్తున్న నాగేళ్ళ హుస్సేన్ కొన్ని రోజుల నుండి అనారోగ్యంతో బాధపడుతున్న విషయం తెలుసుకొని పేద కుటుంబానికి ఆర్ధికంగా సహాయం అందించడం జరిగింది. నాగేళ్ళ హుస్సేన్ కు రెండు కిడ్నీలు ఫెయిల్ కావడంతో ఇబ్బంది పడుతున్నాడు. స్థానిక కంపెనీ లొ కొన్ని సంవత్సరాలుగా పని చేస్తూ తన సొంత గ్రామాన్ని వదిలి జీవన ఉపాధి కొరకు ఎల్లంబావి గ్రామంలో నివసిస్తున్నారు. ఎల్లంబావి గ్రామ ఉప సర్పంచ్ నాగేళ్ల హుస్సేన్ కుటుంబాన్ని పరామర్శించి వారికి వైద్య ఖర్చులకు 5000 రూపాయలు సాయం చేయడం జరిగినది. గతంలో ఒక కుటుంబానికి పెద్ద దిక్కు చెరుకు ధనమ్మ మరణించిన్నప్పుడు ఆ నిరుపేద కుటుంబానికి అంత్యక్రియలకు 25000 రూపాయలు సాయం అందజేయడం జరిగింది.ఎల్లంబావి గ్రామ ఉపసర్పంచ్ గా అతి చిన్న వయసులో ఎనలేని సేవలు చేస్తూ మానవత్వాన్ని చాటుతూ మంచి మనసుతో ప్రజలకు అందుబాటులో ఉంటూ గ్రామ ప్రజలకు అండగా ఉంటూ తనకు తోచినంత సహాయ సహకారాలు అందిస్తున్నారు.