కమిషనర్ గుత్తా వెంకట్రాంరెడ్డి

చౌటుప్పల్ స్థానికం ప్రతినిధి కత్తుల రవి

చౌటుప్పల్ పురపాలక సంఘం పరిధిలో జరుగుతున్న ఎన్నికల ప్రక్రియలో భాగంగా ఈరోజు నామినేషన్ల స్వీకరణ కార్యక్రమం రెండవ రోజు ముగిసిందని మున్సిపల్ కమిషనర్ గుత్తా వెంకట్రామిరెడ్డి ఒక ప్రకటనలో తెలిపారు. మున్సిపాలిటీలోని మొత్తం 20 వార్డులకు గాను నేడు 59 నామినేషన్లు దాఖలైనట్లు ఆయన వివరించారు. కమిషనర్ వెల్లడించిన వివరాల ప్రకారం.. 2వ వార్డులో అత్యధికంగా 6 నామినేషన్లు రాగా, 5, 10 మరియు 18వ వార్డుల నుండి ఐదుగురు చొప్పున అభ్యర్థులు నామినేషన్లు వేశారు. 17వ వార్డులో నేడు ఎటువంటి నామినేషన్లు దాఖలు కాలేదు. మిగిలిన వార్డులలో 1 నుండి 4 వరకు నామినేషన్లు స్వీకరించబడ్డాయి. పార్టీల వారీగా నామినేషన్ల దాఖలైన మొత్తం 59 నామినేషన్లలో పార్టీల వారీగా వివరాలు, బి ఆర్ ఎస్ 16, కాంగ్రెస్ 15, బిజెపి 15, సిపిఐ 05, ఇండిపెండెంట్ లు 04, సిపిఎం 02, టి ఆర్ పి 02, ఎన్నికల నిబంధనల ప్రకారం నామినేషన్ల స్వీకరణ ప్రక్రియ పారదర్శకంగా కొనసాగుతోందని, అభ్యర్థులు, రాజకీయ పార్టీలు ఎన్నికల కోడ్ పాటిస్తూ అధికారులకు సహకరించాలని కమిషనర్ కోరారు.