చిట్యాల స్థానికo ప్రతినిధి కొమిడాల మహేందర్ రెడ్డి

చిట్యాల మున్సిపాలిటీలో మున్సిపల్ సిబ్బందికి ఘన సన్మానం

సంక్రాంతి వేడుకల్లో ప్రజాప్రతినిధుల అభినందనలు

చిట్యాల మున్సిపాలిటీ పరిధిలోని 6వ వార్డు వెంకటాపురం గ్రామస్తులు మున్సిపల్ సిబ్బంది సేవలను గుర్తించి అభినందనల వర్షం కురిపించారు. గ్రామంలో పారిశుధ్యం, తాగునీరు, వీధి దీపాలు, మౌలిక సదుపాయాల నిర్వహణలో నిబద్ధతతో పని చేస్తున్న మున్సిపల్ సిబ్బందిని శాలువాలతో ఘనంగా సన్మానించారు.

సంక్రాంతి పర్వదినాన్ని పురస్కరించుకుని నిర్వహించిన ఈ కార్యక్రమంలో గ్రామస్తులు మున్సిపల్ సిబ్బందికి సంక్రాంతి శుభాకాంక్షలు తెలియజేశారు. ప్రజలకు నిత్యం అందుబాటులో ఉంటూ సేవలందిస్తున్న సిబ్బంది కృషి అభినందనీయమని గ్రామ పెద్దలు పేర్కొన్నారు.

ఈ సందర్భంగా గ్రామస్తులు మాట్లాడుతూ, పరిశుభ్రమైన పరిసరాలు, సమస్యల పరిష్కారంలో మున్సిపల్ సిబ్బంది చూపుతున్న చొరవ వల్ల గ్రామ అభివృద్ధి సాధ్యమవుతుందని అన్నారు. ప్రజలు–పాలన యంత్రాంగం మధ్య ఇలాంటి సాన్నిహిత్యం కొనసాగితే మరింత అభివృద్ధి సాధ్యమని అభిప్రాయపడ్డారు.

ఈ కార్యక్రమంలో వార్డు ప్రతినిధులు, గ్రామ పెద్దలు, స్థానికులు పెద్ద సంఖ్యలో పాల్గొని వేడుకను విజయవంతం చేశారు.