ఔరవాణి గ్రామంలో బీఆర్‌ఎస్ పార్టీ గ్రామ శాఖ నూతన కార్యవర్గం ఎన్నిక

గ్రామ శాఖ అధ్యక్షునిగా ముక్కామల శ్రీనివాస్ యాదవ్

నార్కట్‌పల్లి మండలంలోని ఔరవాణి గ్రామంలో బీఆర్‌ఎస్ పార్టీ గ్రామ శాఖ నూతన కార్యవర్గాన్ని పార్టీ కార్యకర్తలు గురువారం ఎన్నుకున్నారు. మాజీ శాసనసభ్యులు చిరుమర్తి లింగయ్య ఆదేశాల మేరకు, మండల పార్టీ అధ్యక్షుడు బైరెడ్డి కరుణాకర్ రెడ్డి ఆధ్వర్యంలో ఈ ఎన్నికలు నిర్వహించగా, గ్రామ శాఖ అధ్యక్షునిగా ముక్కామల శ్రీనివాస్ యాదవ్‌ను ఏకగ్రీవంగా ఎంపిక చేశారు.

నూతనంగా ఎన్నికైన గ్రామ శాఖ అధ్యక్షుడు ముక్కామల శ్రీనివాస్ యాదవ్‌ను పార్టీ నాయకులు, కార్యకర్తలు శాలువాలతో ఘనంగా సన్మానించి శుభాకాంక్షలు తెలిపారు.ఈ సందర్భంగా ఆయన మాట్లాడుతూ, పార్టీని గ్రామ స్థాయిలో మరింత బలోపేతం చేసి క్షేత్రస్థాయి అభివృద్ధికి అందరూ కలిసి కృషి చేయాలని పిలుపునిచ్చారు. తన ఎన్నికకు సహకరించిన నాయకులు, కార్యకర్తలందరికీ ఆయన ప్రత్యేక కృతజ్ఞతలు తెలిపారు.

ఈ కార్యక్రమంలో పార్టీ నాయకులు, కార్యకర్తలు, సభ్యులు పాల్గొన్నారు.