మాజీ భువనగిరి ఎమ్మెల్యే పైళ్ల శేఖర్ రెడ్డి

స్థానికం:యాదాద్రి భువనగిరి జిల్లా బ్యూరో శ్రీనివాస్

భువనగిరి మండల పరిధిలోని గ్రామ పంచాయతీ సర్పంచుల ఫోరమ్ ఆధ్వర్యంలో రూపొందించిన నూతన సంవత్సర క్యాలెండర్‌ను మంగళవారం భువనగిరి పట్టణంలోని హోటల్ వివేవరాలో ఘనంగా ఆవిష్కరించారు.ఈ క్యాలెండర్‌ను భువనగిరి నియోజకవర్గ సుజలదాత,అభివృద్ధి ప్రధాత,బీఆర్ఎస్ పార్టీ ఇన్‌చార్జి,మాజీ ఎమ్మెల్యే పైళ్ల శేఖర్ రెడ్డి చేతుల మీదుగా ఆవిష్కరింపజేశారు. ఈ కార్యక్రమానికి భువనగిరి మండల సర్పంచుల ఫోరమ్ అధ్యక్షులు, నాగిరెడ్డిపల్లి సర్పంచ్ జక్క రాఘవేందర్ రెడ్డి అధ్యక్షత వహించారు.ఈ సందర్భంగా పైళ్ల శేఖర్ రెడ్డి మాట్లాడుతూ, గ్రామీణాభివృద్ధిలో సర్పంచుల పాత్ర కీలకమని,ప్రజల సంక్షేమానికి సమిష్టిగా పనిచేయాలని సూచించారు. ఈ కార్యక్రమంలో మాజీ గ్రంథాలయ చైర్మన్ జడల అమరేందర్,రైతు సమన్వయ సమితి మాజీ జిల్లా అధ్యక్షులు కొలుపుల అమరేందర్,బీఆర్ఎస్ భువనగిరి మండల అధ్యక్షులు,తుక్కాపురం సర్పంచ్ జనగాం పాండు,భువనగిరి మాజీ మున్సిపల్ చైర్మన్ ఏనబోయిన ఆంజనేయులు,మార్కెట్ కమిటీ మాజీ చైర్మన్ ఎడ్ల రాజేందర్ రెడ్డి,మాజీ జడ్పీటీసీ బీరు మల్లయ్య, మాజీ ఎంపీపీ అతికం లక్ష్మీనారాయణ,సర్పంచుల ఫోరమ్ ప్రధాన కార్యదర్శి ర్యాకల సంతోష్ శ్రీనివాస్ తదితరులు పాల్గొన్నారు.

అలాగే బీఆర్ఎస్ భువనగిరి పట్టణ అధ్యక్ష,కార్యదర్శులు ఏవి కిరణ్,రచ్చ శ్రీనివాస్ రెడ్డి,మాజీ పట్టణ అధ్యక్షులు గోమారి సుధాకర్ రెడ్డి,వివిధ గ్రామాల సర్పంచులు,పార్టీ నాయకులు పెద్ద సంఖ్యలో హాజరై కార్యక్రమాన్ని విజయవంతం చేశారు.