చౌటుప్పల్ పట్టణంలోని ఐరా స్కూల్ వార్షికోత్సవ వేడుకలు శనివారం ఘనంగా నిర్వహించారు. విద్యార్థుల సాంస్కృతిక కార్యక్రమాలు, ప్రతిభా ప్రదర్శనలు సభికులను అలరించాయి. ఈ సందర్భంగా స్థానికం పత్రిక రిపోర్టర్ కత్తుల రవి ని పాఠశాల యాజమాన్యం ప్రత్యేకంగా సన్మానించింది. సమాజ సమస్యలను వెలుగులోకి తీసుకువచ్చే జర్నలిస్టుల సేవలు ప్రశంసనీయమని అతిథులు పేర్కొన్నారు. కత్తుల రవి కి శాలువా కప్పి, పుష్పగుచ్ఛం అందించి జ్ఞాపికతో ఘనంగా సత్కరించారు.ఈ కార్యక్రమంలో పాఠశాల ప్రిన్సిపాల్ రాజశేఖర్ రెడ్డి, ఉపాధ్యాయులు, తల్లిదండ్రులు, విద్యార్థులు పాల్గొన్నారు.