38వ వార్డులో ఘన విజయం సాధించాలంటూ దీవెనలు

సూర్యాపేట:

సూర్యాపేట మున్సిపాలిటీ ఎన్నికల్లో 38వ వార్డు కాంగ్రెస్ పార్టీ అభ్యర్థిగా పోటీ చేస్తున్న వైఎల్ఎన్ గౌడ్ బుధవారం జిల్లా కాంగ్రెస్ పార్టీ కార్యాలయం ఎదుట అఘోరాల ఆశీర్వాదాన్ని పొందారు. ఈ సందర్భంగా అఘోరాలు వైఎల్ఎన్ గౌడ్ ను ఆశీర్వదించి, 38వ వార్డు ప్రజల మద్దతుతో ఈ ఎన్నికల్లో అత్యధిక మెజారిటీతో గెలుపొందాలని ఆకాంక్షించారు.అఘోరాల ఆశీర్వాదం పొందిన విషయం తెలుసుకున్న స్థానిక ప్రజలు పెద్ద సంఖ్యలో అక్కడికి చేరుకొని అఘోరాలను చుట్టుముట్టారు. ఈ దృశ్యం ఆ ప్రాంతంలో ప్రత్యేక ఆకర్షణగా నిలిచింది. ప్రజల ఆదరణ, మద్దతుతో వైఎల్ఎన్ గౌడ్ విజయం ఖాయమనే అభిప్రాయం వ్యక్తమైంది.