తెలంగాణ ప్రభుత్వ కళాశాల అధ్యాపక సంఘం 2026 క్యాలెండర్ ఆవిష్కరణ

నల్గొండ:స్థానికం ప్రధాన ప్రతినిధి

నాగార్జున ప్రభుత్వ కళాశాల ప్రిన్సిపాల్ డా. సముద్రాల ఉపేందర్ 2026 సంవత్సరానికి సంబంధించిన తెలంగాణ ప్రభుత్వ కళాశాల అధ్యాపక సంఘం క్యాలెండర్‌ను మంగళవారం కళాశాల ప్రాంగణంలో ఘనంగా ఆవిష్కరించారు.ఈ సందర్భంగా ఆయన మాట్లాడుతూ, అధ్యాపక వృత్తి సమాజానికి మార్గనిర్దేశం చేసే పవిత్రమైన వృత్తి అని అన్నారు. విద్యాబోధనతో పాటు విద్యార్థుల భవిష్యత్తును తీర్చిదిద్దడంలో అధ్యాపకులు కీలక పాత్ర పోషించాలని సూచించారు. ఈ క్యాలెండర్ కేవలం తేదీల పట్టిక మాత్రమే కాకుండా, విద్యా సంవత్సరం క్రమబద్ధంగా, ప్రణాళికాబద్ధంగా సాగేందుకు ఉపకరిస్తుందని పేర్కొన్నారు.కార్యక్రమంలో వైస్ ప్రిన్సిపాల్స్ డా. రవికుమార్, డా. అంతటి శ్రీనివాస్, తెలంగాణ ప్రభుత్వ కళాశాల అధ్యాపక సంఘం నల్గొండ జిల్లా అధ్యక్షులు డా. అనిల్ అబ్రహం, కార్యదర్శి డా. బొజ్జ అనిల్ కుమార్, సభ్యులు బత్తిని నాగరాజు, డా. మునిస్వామి, డా. వెల్దండి శ్రీధర్, డా. ఎం. శ్రీనివాస్ రెడ్డి, డా. జె. నాగరాజు, డా. జ్యోత్స్నతో పాటు పలువురు అధ్యాపకులు పాల్గొన్నారు.