నల్గొండలో కాంగ్రెస్ ప్రచార హోరు

నల్గొండ మున్సిపల్ కార్పొరేషన్ ఎన్నికల ప్రచారం వేడెక్కింది. రాష్ట్ర రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి శుక్రవారం 23వ డివిజన్‌లో కాంగ్రెస్ పార్టీ కార్పొరేటర్ అభ్యర్థికి మద్దతుగా భారీ రోడ్‌షో నిర్వహించారు. ప్రజల నుంచి ఉత్సాహభరిత స్పందన లభించింది.రోడ్‌షో సందర్భంగా మంత్రి మాట్లాడుతూ నల్గొండ పట్టణాన్ని అన్ని రంగాల్లో అభివృద్ధి చేయాలంటే కాంగ్రెస్ పార్టీకి ప్రజల సంపూర్ణ మద్దతు అవసరమని స్పష్టం చేశారు. మౌలిక వసతుల కల్పన, పట్టణ సుందరీకరణ, సంక్షేమ పథకాల అమలే కాంగ్రెస్ ప్రభుత్వ అజెండా అని తెలిపారు.ప్రజల ఆశలకు అనుగుణంగా పనిచేసే శక్తి కాంగ్రెస్‌కే ఉందని పేర్కొంటూ, 23వ డివిజన్‌లో కాంగ్రెస్ అభ్యర్థిని భారీ మెజారిటీతో గెలిపించాలని పిలుపునిచ్చారు. ఈ కార్యక్రమంలో పార్టీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.