చౌటుప్పల్ మున్సిపాలిటీ ఎన్నికలు రోజు రోజుకు ఉత్కంఠభరితంగా మారుతున్నాయి. ఇందులో భాగంగా 19వ వార్డు కౌన్సిలర్ అభ్యర్థిగా వర్కాల రాము గౌడ్ శుక్రవారం ఘనంగా నామినేషన్ దాఖలు చేశారు. ఈ సందర్భంగా ఆయన భారీ ర్యాలీతో ఎన్నికల రిటర్నింగ్ అధికారిని చేరుకొని తన నామినేషన్ పత్రాలను సమర్పించారు.ర్యాలీలో పార్టీ శ్రేణులు,నాయకులు,కార్యకర్తలు పెద్ద సంఖ్యలో పాల్గొని నినాదాలతో హోరెత్తించారు. వార్డులో అభివృద్ధి,ప్రజా సమస్యల పరిష్కారమే తన లక్ష్యమని వర్కాల రాము గౌడ్ ఈ సందర్భంగా తెలిపారు. ప్రజల ఆశీర్వాదంతో విజయం సాధించి వార్డును ఆదర్శంగా తీర్చిదిద్దేందుకు కృషి చేస్తానని ఆయన పేర్కొన్నారు. ఈ నామినేషన్ కార్యక్రమంతో 19వ వార్డులో ఎన్నికల వాతావరణం మరింత వేడెక్కింది.