దామన్నపేట మండలంలోని సిరిపురం గ్రామంలో అభివృద్ధి పనులు వేగం పుంజుకున్నాయి. గ్రామ సర్పంచ్ అంబటి ఉపేంద్ర రవీందర్ రెడ్డి ఆధ్వర్యంలో అంగన్వాడి సెంటర్ మరియు హెల్త్ సబ్ సెంటర్ భవనాల నిర్మాణానికి శుక్రవారం భూమిపూజ నిర్వహించి పనులను ప్రారంభించారు.

గ్రామంలో చిన్నారుల సంరక్షణ, గర్భిణీలు మరియు వృద్ధులకు ప్రాథమిక ఆరోగ్య సేవలు మెరుగుపర్చాలనే లక్ష్యంతో ఈ భవనాల నిర్మాణం చేపట్టినట్లు సర్పంచ్ తెలిపారు. ఆధునిక సౌకర్యాలతో భవనాలను నిర్మించి త్వరలో ప్రజలకు అందుబాటులోకి తీసుకువస్తామని హామీ ఇచ్చారు.

ఈ కార్యక్రమంలో పంచాయతీ కార్యదర్శి యం. జ్యోతి, వార్డు సభ్యులు జెల్లా సూర్యకళా, శ్రీనాథం, గాదే శంకరయ్య, కూనూరు రమేష్, పున్న వెంకటేశం, పగుడాల లక్ష్మి, మోటే స్వామి, కంకల అర్చన, మల్లేశం, కట్ట భాను శ్రీ, సతీష్ రెడ్డి, గాదే యాదగిరి, సంగిశెట్టి మహేష్ పాల్గొన్నారు.

హెల్త్ సబ్ సెంటర్‌కు స్థలం దానం చేసిన రాపోలు నర్సయ్యను గ్రామస్థులు అభినందించారు. అంగన్వాడి ఉపాధ్యాయులు, ఆరోగ్య శాఖ సిబ్బంది, గ్రామపంచాయతీ సిబ్బంది, గ్రామ ప్రజలు పెద్ద సంఖ్యలో హాజరై కార్యక్రమాన్ని విజయవంతం చేశారు.