ఖమ్మం జిల్లా కాంగ్రెస్ పార్టీ ప్రధాన కార్యదర్శిగా బాధ్యతలు స్వీకరించిన అనంతరం మొహమ్మద్ హఫీజుద్దీన్‌ను పలువురు నాయకులు మర్యాదపూర్వకంగా కలిసి అభినందించారు. ఈ సందర్భంగా ఆయన మాట్లాడుతూ పార్టీ అభివృద్ధి కోసం ప్రతి కార్యకర్త సమిష్టిగా పనిచేయాల్సిన అవసరం ఉందన్నారు.

గ్రామస్థాయి నుంచి జిల్లా స్థాయి వరకు పార్టీని బలోపేతం చేయడంలో కార్యకర్తల పాత్ర ఎంతో కీలకమని పేర్కొన్నారు. ప్రజా సమస్యల పరిష్కారంలో ముందుండి పనిచేస్తూ కాంగ్రెస్ పార్టీపై విశ్వాసాన్ని మరింత పెంపొందిద్దామని పిలుపునిచ్చారు.

ఈ కార్యక్రమంలో స్థానిక నాయకులు, కార్యకర్తలు పెద్ద సంఖ్యలో పాల్గొని హఫీజుద్దీన్‌కు శుభాకాంక్షలు తెలిపారు.