జాతీయ సైన్స్ డే సందర్భంగా నాగార్జున స్కూల్లో విద్యార్థులు శాస్త్రీయ ప్రాజెక్టులతో ఆకట్టుకున్నారు. ప్రయోగాత్మక విధానంలో నిర్వహించిన ఈ కార్యక్రమం సందర్శకులను విశేషంగా మెప్పించింది.

స్కూల్ కరస్పాండెంట్ డాక్టర్ నాగరాజు ప్రతీకాత్మకంగా రాకెట్ ప్రయోగం నిర్వహించి కార్యక్రమాన్ని ప్రారంభించారు. అనంతరం విద్యార్థులు రూపొందించిన ప్రాజెక్టులను పరిశీలించి వాటి పనితీరును అడిగి తెలుసుకున్నారు.

రాకెట్ లాంచింగ్, వాటర్ ప్యూరిఫైయర్ నమూనా, కాంతి ద్వారా శక్తి ఉత్పత్తి, హెల్తీ ఫుడ్–జంక్ ఫుడ్ మధ్య తేడాలు, C. V. రమణ ప్రతిపాదించిన రామన్ ఎఫెక్ట్ పై ప్రదర్శనలు ప్రత్యేక ఆకర్షణగా నిలిచాయి. విద్యార్థులు ప్రతి అంశాన్ని శాస్త్రీయంగా వివరిస్తూ తమ ప్రతిభను చాటుకున్నారు.

ఈ సందర్భంగా డాక్టర్ నాగరాజు విద్యార్థులను అభినందిస్తూ శాస్త్రీయ దృక్పథం పెంపొందించుకోవాలని సూచించారు.

కార్యక్రమంలో స్కూల్ ప్రిన్సిపల్ రేఖ.ఎన్, ఉపాధ్యాయులు నరసింహ, స్వప్న, సంధ్య, విజయశ్రీ, లత, వినిష తదితరులు పాల్గొన్నారు. విద్యార్థుల ఉత్సాహం కార్యక్రమానికి ప్రత్యేక ఆకర్షణగా నిలిచింది.