రామన్నపేట: సృష్టి మనుగడకు మహిళలే ఆధారమని, స్త్రీ లేకపోతే జననం–గమనం ఉండదని మండలంలోని పల్లివాడ గ్రామ సర్పంచ్ కంభంపాటి శ్రీనివాస్ అన్నారు. అంతర్జాతీయ మహిళా దినోత్సవం సందర్భంగా ఆదివారం గ్రామంలో ఆరోగ్య కార్యకర్తలు, అంగన్వాడీ సిబ్బంది, మహిళా సంఘం సభ్యులను సర్పంచ్ ఆధ్వర్యంలో ఘనంగా సత్కరించారు.

ఈ సందర్భంగా ఆయన మాట్లాడుతూ మహిళలు అమ్మగా జన్మనిచ్చి, ఆత్మీయురాలిగా అండగా నిలిచి, భార్యగా కుటుంబాన్ని నడిపిస్తూ సమాజ అభివృద్ధికి కీలక పాత్ర పోషిస్తున్నారని కొనియాడారు. వృత్తిపరంగా కూడా మహిళలు అద్భుతాలు సృష్టిస్తూ సమాజంలో ప్రత్యేక గుర్తింపును సంపాదించుకుంటున్నారని తెలిపారు. ఈ సందర్భంగా మహిళలందరికీ మహిళా దినోత్సవ శుభాకాంక్షలు తెలియజేశారు.

ఈ కార్యక్రమంలో ఉప సర్పంచ్ పావురాల మచ్చగిరి, వార్డు సభ్యులు కంబాలపల్లి మధు, దండిగ నరసింహ, గ్రామపంచాయతీ సిబ్బంది మచ్చగిరి, బట్టు మీనయ్య, గ్రామ యువకులు దండిగ సందీప్, దండిగ నాగరాజు, దేశపాక రాజు తదితరులు పాల్గొన్నారు.