13వ వార్డు బీఆర్ఎస్ కౌన్సిలర్ అభ్యర్థి గుండెబోయిన పూజిత వెంకటస్వామి

చౌటుప్పల్ మున్సిపల్ కేంద్రం13వ వార్డులో సిపిఎం బలపరిచిన బీఆర్ఎస్ కౌన్సిలర్ అభ్యర్థి గుండెబోయిన పూజిత వెంకటస్వామి ఆదివారం ఇంటింటి ప్రచారం ప్రారంభించారు. కృష్ణానగర్ నుంచి ప్రచారాన్ని ప్రారంభించి రామ్ నగర్ మీదుగా జాతీయ రహదారి వెంట పద్మశాలి కాలనీ వరకు ముమ్మరంగా ప్రచారం నిర్వహించారు.ఇంటింటికి తిరుగుతూ మహిళలకు బొట్టు పెట్టి, ఆప్యాయంగా పలకరిస్తూ, తనకు ఓటు ద్వారా మద్దతు ఇవ్వాలని అభ్యర్థించారు.ఈ సందర్భంగా గుండెబోయిన పూజిత వెంకటస్వామి మాట్లాడుతూ బిఆర్ఎస్ ప్రభుత్వ హయాంలోనే 13 వ వార్డు అభివృద్ధి జరిగిందని గుర్తు చేశారు. సిసి రోడ్లు, విద్యుత్ స్తంభాలు, లో వోల్టేజ్ నివారణకు ట్రాన్స్ ఫార్మర్లు, అండర్ గ్రౌండ్ డ్రైనేజీతో పాటు 13వ వార్డులో అతిపెద్ద డ్రైనేజీని నిర్మించిన ఘనత గత ప్రభుత్వ సొంతమన్నారు. మాజీ ఎమ్మెల్యే కూసుకుంట్ల ప్రభాకర్ రెడ్డి ఆశీస్సులతో,13వ వార్డు అభివృద్దే ధ్యేయంగా మీ ముందుకు వచ్చానన్నారు. తనను ఆదరించి ఆశీర్వదిస్తే, వార్డును అభివృద్ధి పథంలో నడుపుతానని ధీమా వ్యక్తం చేశారు. ఈ కార్యక్రమంలో మాజీ వార్డు సభ్యులు జెటంగి కృష్ణ, బీఆర్ఎస్ వై నాయకుడు చెవగోని మహేష్ గౌడ్, వార్డు అధ్యక్షుడు గుండెబోయిన మల్లేష్ యాదవ్, ఏనుగుల యాదయ్య, జెటంగి రాజు, మొగుదాల అంజయ్య, జెటంగి రవి, ఏనుగుల లక్ష్మణ్, మొగుదాల విజయ్, పల్స రాకేష్, మీసాల సుశాంత్ తదితరులు పాల్గొన్నారు.